عدنا من جديد مع عضو جديد.............

1_اكتر يوم بتجبة ؟ ولية ؟

2_اكتر يوم بتكراهه؟ ولية؟

3_اية رايك فى كل اعضاء المنتدى عيب وميزة ؟

4_بتحب مين ؟

5_هتشوف هند امتى ؟

ههههههههههههههههههههههه

6_راضى على اللى انتى كنت هتعملة ؟









7_اكتر حاجة مضايقك فى نفسك

8_اكتر حاجة عجابك فى نفسك؟


ولسة لنا بقية
هههههههههههههههههههههههههههههههههههه

وكدة انا بهظر معاك والله

هههههههههههههههههههههههههه

انتظر القادم

حبيبى وصحبى بقا

اهلا حودا ازيك واهلا بيك ع الكرسى
ان امش هسألك اسئلة تقيلة انا هاسخن بس معاك
1/ انت شايف ان ميرفت تستاهل انك تحبها؟
2/ انت شايف ان علاقتكم كانت ممكن تستمر بعد اللى حصل ف الجامعة؟
3/ انت شايف ان ميرفت تنفع تكون زوجة ليك وتحافظ عليك وعلى بيتك فيما بعد؟
4/انت شايف ف ميرفت مواصفاة فتاة احلامك؟
5/انت كان ممكن انك تتقدم لها ف يوم م الايام؟
كفاية عليك النهاردة ونكمل وقت تانى
بس ياريت تكون ردودك واضحه وصريحه
سلالالالالالالاموز

محمود بيك

ازيك

واهلا بيك فى المفرمة

السؤال الاول

انتى عمر حبيت؟ولو كنت حبيت حبيت لية ؟واية الخلاك تحب الانت بتحبة؟واية الانت بتحبة فية واية الانت بتكرة فية؟وانتعرفت علية امت وازى؟

اريد اجبة مقنعة وواضحة

مع تحيات المفتش...........!!!!!!

[ندعوك للتسجيل في المنتدى أو التعريف بنفسك لمعاينة هذه الصورة]

نبدا حديثنا بذكر الله


بسم الله الرحمن الرحيم


الاسم :محمود ابراهيم عبد السلام

السن : 20سنه

المهنه : طالب بكليه الحقوق فى الفرقه الثانيه



وانا فى انتظار الاسئله

1_اكتر يوم بتجبة ؟ ولية ؟

اكتر يوم انا كنت بحبه هو يوم 8\12\2008

ليه علشان شفت فيه اجمل انسانه والبنت اللى انا حبيتها بجد

2_اكتر يوم بتكراهه؟ ولية؟

اكتر يوم بكرهه يوم 1\9\2009

ليه علشان كان اصعب يوم عدى عليا حصلى فيه حاجات صعبه زى شكله عندنا فى السوق ومكنش ليا دعوه بيها بس اعمل ايه ادخلت طبعا وكنت هموت بسكينه فى الشكله بس ربنا ستر وضربنا العيال


وكمان بنت عمى ماتت فى نفس اليوم


ووصلى خبر ان مرفت اتخطبت (خبر كدب طبعا ) من انسان كان عزيز عليا


بس كده 3_

اية رايك فى كل اعضاء المنتدى عيب وميزة ؟

زيزو : طيب جدا وبيحب اصدقائه جدا وبيحب يخدم بجد اوى ولما بيلاقى حد فى مشكله بيحاول يحلها ليه

عيب : انه طيب زياده عن اللزوم ودا ماينفعش اليومين دول

محمود : جدع جدا وصاحب صحبه

عيب: بتهزر كتير اوى وضحكتك عليا اوى

تيجر : طبعا هو انسان طيب بالرغم انى مقعدتش معاه كتير بس هو كمان بيحب اصحابه اوى

عيب : انه بيمشى وراء كلام اصحابه من غير مايفكر ويعمل حسابه

عاطف وعادل المصرى : انا معرفتهمش اوى فعلشان كده انا مش هقدر اتكلم عنهم علشان مظلمهومش

بس كلمه واحده ليهم هما الاتنين ( رجــــــــــــــاله اوى اوى )

لولو : طبعا دى حله خاصه
وليها معزه خاصه عندى زى اخواتى البنات بالظبط

هى طيبه جدا ومرحه

عيب : انها بتسمع كلام الاخرين وبتمشى وراه

مونى : قلبها كبير بتحب اصحابها ومعزتها عندى زى معزه لولو بالظبط

عيب :مش شايف عندها عيوب

مرمر وانغام : زى اخواتى بس انا مشفتهمش علشان اقول عنهم حاجه ومقعدتش معاهم
4_بتحب مين ؟


مرفت ابراهيم محمد خير

من سمنود

5_هتشوف هند امتى ؟

محمود انت دايما كده فاضحنى

ماشى

بس هرد برده اول ايامك العيد وتحب اقولك فين كمان ولا بلاش علشان متلبدش معايا
هههههههههههههههههههههههههههه

6_راضى على اللى انتى كنت هتعملة ؟

لاء طبعا
وعلشان كده اتصلت بابوها وخليته يجى يا خدها

7_اكتر حاجة مضايقك فى نفسك؟

انى ما بصليش ودا شئ تاعبنى بجد بس ربنا يكرمنى يارب

8_اكتر حاجة عجابك فى نفسك؟

انى جرئ جداومبخفش من حد ومش بحب النفاق
وبحب اصحابى اوى اوى

1/ انت شايف ان ميرفت تستاهل انك تحبها؟

بصراحه وبدون لف ودوران فى الاول لاء خالص
بس دلوقتى هى معاملتها اتغيري معايا وعرفت غلطها وعرفت انى انا كنت بخاف عليها اكتر من اى حد
ياعنى دولقتى تستاهل حبى ليها بس انا اعترف بشئ خطير جدا جدا
حبى ليها دلوقتى ما يحصلش ربع حبى ليها فى الاول

2/ انت شايف ان علاقتكم كانت ممكن تستمر بعد اللى حصل ف الجامعة؟

ياريت توضح السؤال اكتر علشان حصل حاجات كتيره اوى فى الجامعه بينى وبينها
وعلشان اكون صريح جدا معاك يا عاطف

3/ انت شايف ان ميرفت تنفع تكون زوجة ليك وتحافظ عليك وعلى بيتك فيما بعد؟

بالتأكيد ايوا طبعا علشان هى انسانه محترمه جدا بالرغم من اللى ممكن تكون سمعته عنها الله اعلم هو ايه
بس اللى انا اعرفه انك ماشفتش منها الا الوحش بس لكن هيا فيها حاجات كتير حلوه

4/انت شايف ف ميرفت مواصفاة فتاة احلامك؟

ايوا والا مكنتش حبيتها يا عاطف

5/انت كان ممكن انك تتقدم لها ف يوم م الايام؟

لاء ياعاطف
علشان انا كنت لسه فى سنه اولى ياعنى ببدا حياتى ومش عايز حد يقول ان ابوه هو اللى خطبلى من غير ما اتحمل المسؤليه
وكمان انا مش مستعد حاليا
بس السنه الجايه بالتاكيد لو نجحت هكون عندها وبطلب ايدها من ابوها



اظن انى كنت صريح جدا معاك
وانا مستنى اسئلتك الجايه يا عطوف باشا

السؤال الاول

انتى عمر حبيت؟

مره واحده بس يا ميدو

ولو كنت حبيت حبيت لية ؟

علشان لقيت البنت اللى كنت بحلم بيها يا ميدو
واية الخلاك تحب الانت بتحبة؟

علشان هى طيبه جدا ومرحه وبتحبنى ومحترمه

واية الانت بتحبة فية واية الانت بتكرة فية؟

اللى انا بحبه فيها انها طيبه ومحترمه ومبتعرفش تشتال من حد او تزعل منه

واظن ان اللى بيحب حد ما بيكرهش فيه حاجه حتى لو كان شايف فيه حاجات عايزه تتغير


وانتعرفت علية امت وازى؟

امتى كان يوم السبت 8/12/2008
فى تمام الساعه الثالثه بعد الظهر

وكنا لسه خارجين من عيد الاضحى

وكنت قاعد مع اصحابى فى الشله تحت الشجره وفجأه طبعا جيت واتعرفت عليها ومن هنا بدأت قصه حبى

وشكرا ليك يا ميدو مشاكل

الأول : أيه رأيك فى محمود عبد النبى و أنور ؟

محمود عبد النبى : صاحبى وجدع معايا اوى ومشفتش منه حاجه وحشه
بس
هو بيحب البنات اوى وممكن يخسر صاحبه علشان اى مشكله ولو كانت صغيره ومتستهلش

انور : واحد دخل شلتنا غلط
واظن دى كانت اكبر غلطه لينا فى الشله هو ودينا وياسمين وهما اللى خلو الشله بتاعتنا تتفركش السنه اللى فاتت


الثانى : أيه حيكون رده فعلك لو الغلط كان من عند ميرفت و هى اللى كانت بتكدب من الأول ؟
هسيبها يا أحمد وهخليها تندم على اليوم اللى عرفتنى فيه و فكرت انها تخدعنى فيه
وانت عارف انى اقدر اعمل كده

الثالث : أنت قولتيللى حتعمل أيه فى محمد ؟
محمد انا هعلقه بس انا محتار فى اى حبل اعلقه عليه
دا


[ندعوك للتسجيل في المنتدى أو التعريف بنفسك لمعاينة هذه الصورة]ولا دا


ياريت تختاروا الحبل معايا

يالهوى اوعى يكون قصدك محمد هشام

أمنيه لو أتحققت تبقى أنت كده معنتش عايز حاجة من الدنيا؟

انى ربنا يكرمنى واتجوز البنت اللى تصون بيتى وتحافظ عليا سواء كانت مرفت او حد تانى ياعنى

وربنا يخليلى امى وابويا

ميمو اولا البقاء لله

حياتك الباقيه يا الاء

ثانيا وقعت ومحدش سمى عليك بس انت قلت ان انا بمشى ورا كلام الاخرين بس انا لو بمشى ورا كلام حد كان زمانى سبت محمد من زمان وكان زمانى اصلا مرتبطش بيه
خد بقى عندك الكام سؤال الرخمين دول بس اوعى تدعى عليه

لاء طبعا انا عمرى ما ادعى عليكى

1-مين الانسان اللى وصلك ان مرفت اتخطبت

محمد باشا الزينى
اتصل بيا وقالى ان مرفت اتخطبت وطلب منى انى ما اأذيهاش وطلع انه هو اللى كان عايز يخطبها مع انه عارف اننا بنحب بعض وهى قالتله انها بتحبنى وان احنا بنتكلم مع بعض


2-مين هند اللى محمود بيقول عليها

واحده بتحبنى
عندها 16 سنه

3-مين بقى اللى اتصلت بابوها وخليته يجى ياخدها وايه اللى انت كنت هتعمله

اللى اتصلت بابوها هيا هند
كانت جيتلى الشغل ومكنتش عايه تمشى وعماله تعيط وتقلى انها بتحبنى وانا غلبت افهم فيها انها لسه صغيره وان ربنا هيكرمها مع واحد تانى بس كانى كنت بادن فى مالطا

اما اللى كنت هعمله فكنت هضربها بس قلت حرام

4-موقف زعلك منى

يوم ماكنتى زعلانه من محمد فى ايام الدراسه اول ماكنتوا متعرفين على بعض ومرضتيش تصالحيه فى نفس اليوم معان السبب كان هايف جدا

5-انت بتقول ان انا مرحة طيب اكتر حاجة عملتها وضحكتك

يوم ماكنا واقفين وانتى عماله بتغنى اغنيه تامر حسنى يابتاع الشباشب هتلى شبشب بصباع او شبشب بفيونكه بدل حبيبى اللى ضاع

على فكرة انت نسيت تقول ميزة وعيب فى محمد هشام

اه فعلا بس انا نسيته غصب عنى
ميزه محمد هشام
طيب جدا وصاحب صاحبه ورومانسى جدا جدا

عيب : متسرع جدا ومتهور ولو حصل حاجه او حد حكاله حاجه مش بيتاكد اذا كانت صح اوغلط وبيعمل مشكله قبل ما يعرف

يالهوى اوعى يكون قصدك محمد هشام

لاء لاء خالص محمد هشام دا حبيبى وصاحبى وعمره ما يعمل حاجه زى كده

بس فعلا اللى انا هضربهم فى الجامعه اتنين (محمد هشام بتاع دمياط ودا اللى كانت مرفت بتكلمه بعد ما سبنا بعض وكان سبب فى اننا سبنا بعض

اما التانى هو محمد الزينى )

فربنا يسهل ياالاء

محمود باشا كعب الغزال عدنا اليك بعد طول فاصل
لنواصل
الموقف اللى انا اقصدة اللى انا حضرتة معاكم بتاع الواد اللى جت قالت مش عارفة تروح منة ما علينا
تعال للمعمعه بقا
1/ لو حبيت تغير حاجة ف ميرفت اى هى الحاجة دى؟
2/ لو حسيت ان ميرفت بتلعب بيك او بتخونك تعمل اية؟
3/لو عرفت انها ماشية مع واحد غيرك وعملاك صف تانى تعمل اية؟
4/لو انت لقيت ميرفت ماشية مع واحد غيرك وقابلتها صدفة هاتعمل اية؟ واية هيكون احساسك ساعتها؟
5/لو انت اتجوزت ميرفت وخرجت معاها ف يوم لقيت واحد بيشاورلها من بعيد ولما سألتها قالتلك كان زميلى ف الجامعه واكتشفت انها على علاقة بية هاتسيبها ولا هاتكمل معاها؟؟؟؟؟؟؟؟؟؟؟؟

محمود يا حبيبى سخنت السلطة يا حبيبى ولا لا

هههههههههههههههههه
المهم 1_مرفت تستاهل حبك ودى حاجة مش بمزاجك لا دى غصب عنك علشان البنت دى مفيش بنت زيها

وانا بعزهااااااا اوى اوى اوى اوى اوى


وبالله عليك بلاش تكلم عنها كلمة واحشة خاااااااااااااااااالص

علشان انت عارف البت دى عاملة ازاى

1_مين اكتر صاحب انت بتحب تكلم معاة وعارف انة مش هيفضحك

2_مين اقر اصحاب ليك وياريت بالترتيب

3_بعد الكلمة اللى مصطفى شيكو قالها عليك وميرفت لسة من اقرب اصحابك ؟

4_لو اى حد قرب من مرفت بمكروهه اية رد فعلك ؟

5_هتشوف هند فين (ودة اهم سؤال هههههههههههههههههه)

أولا : أنت نسيت تجاوب على السؤال ده :

محمود باشا كعب الغزال عدنا اليك بعد طول فاصل
لنواصل

اهلا بيك مره تانيه يا عطوف

الموقف اللى انا اقصدة اللى انا حضرتة معاكم بتاع الواد اللى جت قالت مش عارفة تروح منة ما علينا
تعال للمعمعه بقا
1/ لو حبيت تغير حاجة ف ميرفت اى هى الحاجة دى؟

انها ما تكونش طيبه ومتسامحه زياده عن اللزوم

2/ لو حسيت ان ميرفت بتلعب بيك او بتخونك تعمل اية؟

انا لحد دلوقتى معرفش ايه اللى ممكن اعمله بس اللى انا هعمله ساعتها ميتحكيش ولا يتوصف
يتشاف بس

3/لو عرفت انها ماشية مع واحد غيرك وعملاك صف تانى تعمل اية؟

نفس اجابه السؤال اللى قابله

4/لو انت لقيت ميرفت ماشية مع واحد غيرك وقابلتها صدفة هاتعمل اية؟ واية هيكون احساسك ساعتها؟

هروح واعرف دا مين ولو كان حد مش من قريبها ساعتها هفرج عليهم الشارع كله طبعا
واحساسى ساعتها طبعا هكون مولع اخر حاجه

5/لو انت اتجوزت ميرفت وخرجت معاها ف يوم لقيت واحد بيشاورلها من بعيد ولما سألتها قالتلك كان زميلى ف الجامعه واكتشفت انها على علاقة بية هاتسيبها ولا هاتكمل معاها؟؟؟؟؟؟؟؟؟؟؟؟

لو كانت على علاقه بيه ايام الجامعه طبعا مش هسيبها علشان من الصعب جدا انى اهدم حياتى وحياتها نتيجه لشئ من الماضى
اما لو كانت مازالت على علاقه بيه فهسيبها فورا

معلش يا محمود اصل انا جالى صدمة لما لقيت الحبل ولقيت الكلام على واحد اسمه محمد كنت هقع من طولى قصدى من قصرى

يابنتى ما تتخيليش انى ممكن ازعل من محمد هشام
وبعدين لو كان هو اللى عمل كده كنت هعرف منه هو عمل كده ليه ولو كان شايف انه مصلحه ليا هحاول افهمه ان مصلحتى انى اكون معاها علشان مقدرش ابعد عنها
ولو كان عمل كده لسبب تانى فهعتبه واقتصره من سكات حفاظا على العيش والملح اللى اكلنا مع بعض
وسلمتك من الوقوع

خد بقى الكام سؤال دول
1-اكبر مقلب اتعمل فيك

بتاع ان مرفت اتخطبت
مع انى كنت حاسس ان دى لعبه من محمد الزينى وقلت الكلام دا لاحمد عبد العزيز فى نفس اليوم
وسالته هو انت اللى خطبتها ورد عليا وقالى لاء
بس بكره هفرجكم على الزينى دا شكله هيبقى ايه
هو مش ازكى منى ابدا

2-موقف محرج اتعرضت له

لما ضربت محمد ومرفت فى الجامعه السنه اللى فاتت وشتمتهم
بصراحه حسيت انى ندمان جدا لانى مكنش ينفع اعمل كده

3-رايك فى-سهير-سماح-ايه خ-كريم عباس -عبدو شادى-شيكو

سهير : بنت مشفتش منها الا كل خير بس هيا باعت نفسها بعد ما حبت واحد صاحبنا وهو غدر بيها
وهى مكنتش منتظره منه دا

سماح : بكرهــــــــــــــــــــــــــــــــــــها ومحدش يجبلى سيرتها تانى لو سمحت

ايه خالد : بنت جدعه بتحب الهزار جدا

كريم عباس :راجل جدا جدا ومن اجدع الناس اللى عرفتهم فى حياتى

عبدو شادى : صاحب كويس جدا ومرح جدا وهادى ومبيحش المشاكل

شيكو : راجل جدا جدا بس رخم جدا جدا وبيحب يتغالس وبيحب اصحابه اكتر من اى حاجه وبيخاف عليهم اوى
4-امنية بتتمناها لميرفت واغنية بتهديها لها

انها تسيبها من حكايه اصحاب المدرج وانها تحبنى زى ما انا بحبها
والاغنيه اللى باهديها ليها
الحب كله بتاعت ام كلثوم

5-انت كنت قلتلى قبل كده ان محمد بيحبنى اكتر ما انا بحبه انت لسه شايف كده
وشايف اننا هنقدر نكمل مع بعض

انا شايف انكوا ما تقدروش تستغنوا عن بعض وانتم الاتنين بتحبوا بعض جدا جدا الى اقصى الدرجات
فياريت تحلوا مشاكلكم لواحدكم ومتدخلوش حد بينكم الايكون الحد دا بيحب ليكوا الخير
وعايزكم تكونوا اسعد الناس

وانا مش شايف حد بيحب حد فى الشله عندنا ممكن يكمل مع بعضه زيك انتى ومحمد بس هو لازم يشد حيله شويتين علشان ربنا يجعلكوا نصيب مع بعض
يــــــــــــــــــــــــــــــارب

1_مين اكتر صاحب انت بتحب تكلم معاة وعارف انة مش هيفضحك؟؟؟

ياعنى مش هيفضحنى انا مبعملش حاجه وبخاف انها تتعرف ياعنى كل تصرفاتى فى النور وادام الجميع

وباعدين اقرب اصحابى اللى بحكيلهم كل حاجه انت واحمد زيزو


2_مين اقرب اصحاب ليك وياريت بالترتيب

1-محمود مصطفى
2- احمد زيزو
3-مصطفى عبد النبى
4- عبد الرحمن صاحبى من الجامعه


3_بعد الكلمة اللى مصطفى شيكو قالها عليك وميرفت لسة من اقرب اصحابك ؟

مصطفى عبد النبى دلوقتى معزته عندى اقل من الاول شويه بس هو قالى الكلمه دى بدافع انه خايف عليا وانا متاكد من دا والا كنت اقتصرته خالص


4_لو اى حد قرب من مرفت بمكروهه اية رد فعلك ؟

هولع فى امه

5_هتشوف هند فين (ودة اهم سؤال هههههههههههههههههه)

عندها فرح اول يوم العيد وعزمانى فيه وهتيجى تاخدنى
هههههههههههههههههههههههههههههههههههههههههههههههههههههههههههههههه
بالغيظه فيك

الرابع : الدنيا بتمثلك أيه ؟؟؟؟؟؟

الدنيا دى هيا الحياه بحلوها ومرها ياعنى انا عايش اليوم بيومه وبحب افكر فى اللى جاى ومبفكرش فى اللى فاتت

وبعدين الدنيا دى شئ مفروض علينا ياعنى هنعيشه هنعيشه بس لازم الواحد يعمل حساب الاخره كمان برده

الأول : أحلى يوم قضيته مع ميرفت كان أمتى و فين بالظبط ؟

كان يوم خميس بس مش فاكر التاريخ بالتحديد بس كنا فى شهر يناير
اما كنا فين بالظبط ورا كليه زراعه
الثانى : كان أحساسك أيه و أنت فى فرح أخت ميرفت ؟

كنت سعيد جدا جدا لان يوميه عرفتنى على اهلها وكمان فرحان علشان شايفها فرحانه وسعيده علشان اختها

الثالث : بما أن الناس كلها سألتك عن البنات كلها فأنا ح قول الأتى :

أيه رأيك فى كلا من :

( أيه ركب + تسنيم + دينا + ياسمين + بتاعة اللب + اللى أحنا كنا بنتكلم عنها كل يوم هه )
يلا يا سيدى يارب مكنش نسيت حد

يا احمد انا معرفش بتاعت اللب دى ولا انت تقصد ايه بالظبط ياريت توضح

وايه ركب انا معرفهاش ياريت تسالنى عن حد اعرفه

تسنيم ودينا : دخلوا الشله بتاعتنا غلط

ياسمين : اجدع من الاتنين التانين وبنت كويسه الى حد ما بس ماديه الى حد ما

اما اللى بنتكلم عنها كل يوم : فهى مؤدبه جدا ومحترمه جدا جدا بس لاهيا بترتاح ليا ولا انا برتاح ليها ودا شعور متبادل من الثانوى



الرابع : أيه رأيك فى لعبه الصراحة اللى بنلعبها فى الجامعة ؟ ورأيك نلعبها تانى ؟

لعبه حلو جدا وبتعرفنا على بعض اكتر
اما نلعبها تانى ولا لاء فدا براحتكم
بس انا شايف ان نلعب لعبه كرسى الاعتراف دا فى الجامعه ونختار واحد من الشله ونسلخه اسئله وان شاء الله هيكون ضحيه اللعبه الاول محمد الزينى
دا لو موافقين عليها طبعا


الخامس : أيه رأيك فى المنتدى ده ؟ أيه اللى ناقصه ؟

منتدى جامد طحن واجمل حاجه فيه ان فيه اجمل صحاب ليا فى الدنيا والجميل اكتر انى بتعرف على حالتهم فيه انهم كويسين وبخير

اما اللى انا شايف ان ناقصه هى اننا نعمل مسابقات فيه فى الشعر والكلام دا كل اسبوع كده
اما حاجه تانيه فدا بعد ما ينضم لينا اعضاء تانيه شويه
فى المستقبل ياعنى