كاسر القلوب


أهلا بيكم فى منتدى كاسر القلوب

لو كنت عضو عليك تسجيل الدخول

ولو كنت زائر
ياريت تشرفنا بتسجيلك

وانضم لاسره المنتدى

كاسر القلوب

ん乇ム尺イ 乃尺乇ムズ乇尺
 
الرئيسيةالبوابةاليوميةمكتبة الصورس .و .جبحـثالتسجيلدخول

شاطر | 
 

 ولاحتى اتنين اصحاب

اذهب الى الأسفل 
كاتب الموضوعرسالة
عاطف
مشرف هو وهى
مشرف هو وهى
avatar

ذكر
عدد الرسائل : 455
العمر : 32
المزاج : عالى وتمام ولوز اللوز
نقاط : 514
تاريخ التسجيل : 22/08/2009

مُساهمةموضوع: ولاحتى اتنين اصحاب   الأحد 7 فبراير - 6:59:44

[center]بسم الله ابدأ كلامى وهاحكيلم حكاية عن الاصحاب
بس يا رب تكون حلوة والحدوتة دى رد على كل اللى نقض الحدوتة اللى فاتت
او علق بأن فى اصحاب
حكايتى هاتسبتلكم ان مافيش ولا حتى اتنين اصحاب
ركز شوية يا مازن
حكايتنا بتقول دا بعد ماتصللى على الرسول
كان فى مرة ملك عندة مملكة كبيرة ومالوش اخ ولا صاحب ولا حتى ابن خرج فى يوم الملك يشوف مملكتة وملكة وهو ماشى شاف راجل فقير غلبان واقف فى البحر وعمال يقلب بأيدة فى الميةسألة الملك انت يا فقير بتعمل اية فى المية
رد الفقير وقال/
بكف ايدى ديه بدور على صاحب ليا او كف تصاحب الكف دية
قال الملك /
يعنى مافيش فى الارض اصحاب لك
رد الفقير
لفيت الارض كلها مالقتش صاحب ليا
قال الملك/
ازاى دا فى ناس كتير اصحاب
رد الفقير /
مافيش ولاحتى اتنين اصحاب
قال الملك/
خلاص يا فقير تعال انا وانت نتصاحب واللى اكل منة تاكل منة وتعيش معايا
وافق الفقير بعد ضغط م الملك وبقوا الاتنين اصحاب وانتشر فى المملكة ان الفقير بقاصاحب الملك يخرج معاه ويا كل معاه وكان ساعات يحكم معاه
لحد ما ف يوم جة الملك ها يسافر عشان يحج قعد الملك يفكر هاسيب المملكة لمين
ومالى وحالى وزجتى بس خلاص ما فيش غير صا حبى الفقير
طبعا دا صاحبى وما ليش غيرة
وعرض الملك على الفقير المملكى وقال
يا صاحبى يا فقير انا هسافر واسيبلك المملكة خللى بالك منها ومن شئونها
وافق الفقير بس بشرط انك ما تسألنيش علىى حاجة اعملها
وافق الملك على شرط الفقير وطلب منة طلب
قالة يا فقير ملكى ومالى معاك بس شرط عليك ما تفتح دول وشاور على 3 اوض ووافق الفقير وسافر الملك.
بعض فترة الشيطان لعب فى دماغ الفقير اشمعنا الاوض دى اية السر فيهم اكيد فيها سر المملكة ادخل وشوف فيها اية واية ها يجرى ومين هايعرف الملك
دخل الفقير الاوضة الاولى لقا ابرق وسجادة وسرير
اتوضا وصللى ونام
وهو نايم حلم بحمامتين واحدة بتقول للتانية
تعرفى يا حمامة يا ختى ان الملك بتاعنا لما هايرجع هايجيلة حصان ابيض جميل لو ركبة هايقع م على ضهرة ويموت
ردت اختها واللى يفتن السر؟؟ قالت يتحول نصة حجر
قام الفقير وخرج م الاوضة
وبعد ايام دخل الاوضة التانية لقا ابريق وسجادة وسرير
اتوضاوصللى ونام حلم بالحمامتين واحدة بتقول للتانية
تعرفى يا حمامة اختى ن الملك بتاعنا لما يرجع هايجيلة خاتم لو لبسة هايتسمم ويموت
قالت اختها واللى يفتن السر ؟؟
قالت يتحول ربع جسمة حجر
قام الفقير وخرج من الاوضة
وبعد ايام دخل الفقير الاوضة التالتة لقا ابريق وسجادة وسرير
اتوضا وصللى ونام حلم بالحمامتين(هو مافيش غير الحمامتين دول فى الحدوتة ولا اية )
واحدة قالت للتانية تعرفى يا حمامة يا ختى ان الملك بتاعنا هايجيلة بساط سحرى جميل لو ركبة هايتقلب بية ويموت
ردت اختها واللى يفتن السر ؟؟
قالت يصير جسمة حجر
وبعد فترة رجع الملك من الحج والناس احتفلت برجوع الملك
زفة وهيصة ونور ناس بترقص وناس بتغنى
والكل فرحان برجوع الملك
قعد الملك وسط ناسة ومع صاحبة الفقيروالناس بتحتفل والهدايا بتيجى للملك وفجأة صاح الملك فرحان
الله الله حصان ابيض جميل شايف يا صاحبى اد اية الحصان جميل وجرى الملك علىالحصان
افتكر الفقير كلام الحمامتين طلع سيفة وقتل الحصان صاح
الملك غضبان لية كدة يا فقير انت عملت لية كدة ماردش الفقير
قالة خلاص يافقير ماتزعلش يا صاحبى فداك الحصان
وشوية وجة للملك خاتم جنان والملك بالخاتم فرحان
قام الفقير واخد الخاتم ورماة زعل الملك اية دة يا فقير انت بتعمل كدة لية
رد عليا رد الفقير مش انا يا ملك قبل ما تسافر قولتلك ماتسألنيش على اى حاجة اعملها
وبعدين خاتم ورميتة هاتعزة عنى
رد الملك فداك يا فقير
وفى وشوية وجاى للملك هدية بساط سحرى جميل
اية رأيك يا فقير بساط سحرى جميل نركبة نا وانت ونلف بية المملكة
قام الفقير بالسيف وقطع البساط
غضب الملك وقال لازم تقولى انت بتعمل كدة لية
رد الفقير بلاش يا ملك
رد الملك لازم اعرف
قال الفقير هاتضرنى يا ملك وانا صاحبك
رد الملك انا ماليش اصحاب لازم تقول
رد الفقير الحصان يا ملك لو ركبتة تقع من على ضهرة وتموت
واتحول نص جسم الفقير حجر
استغرب الملك وكمل الفقير اما الخاتم فكا مسموم لو لبستة تتسمم وتمو
وهنا اتحول ربع الفقير حجر واستغرب الملك مالك يا فقير
وقال الفقير اما البساط فكان مسحور لو ركبتة ينقلب بك وتموت واتحول الفقير لحجر
وبقا جسمة كلة حجر فضل الملك زعلان على صاحبة وجاب كل اللى يفهم فى الاحجار
وكل الاطباء واصحاب الاسحار
محدش عرف يرجع صاحبة جة راجل عجوز للملك وقالة يا ملك عشان صاحبك يرجع
لازم يسيل علية دم طفل ابن يومين
الملك اعلن فى المملكة اللى هايجيب طفل ابن يومين ويوهبة للملك هاديلة جايزة كبيرة
طبعا ما حدش رضى وف يوم مرات الملك ولدت طفل ...
والطفل بقا عندة يومين !!
ومش هانكمل حكايتنا غير لما اعرف ردودكم الاول على السؤال دة
هل الملك هايضحى بابنة الوحيد عشان يرجع صاحبة ؟؟؟!!!
ابنة اللى فضل يستناة طول عمرة ياترى هايضحى بية الملك ولا هايرجع صاحبة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ضاقت الدنيا بعد غيبة الاحباب وفرقة الاصحاب فلما الحياة اذا ؟؟!
الرجوع الى أعلى الصفحة اذهب الى الأسفل
mazen
مشرف سابق
avatar

ذكر
عدد الرسائل : 272
العمر : 28
الموقع : المدينة المفقودة
العمل/الترفيه : مرفوع مؤقتا من الخدمة
المزاج : بلاش اقولك
نقاط : 369
تاريخ التسجيل : 08/05/2009

مُساهمةموضوع: رد: ولاحتى اتنين اصحاب   الأحد 7 فبراير - 9:25:51

ياااااااااه يا عاطف
الحكايه دى فعلا مؤثره ومشوقه جدا

بس احنا منقدرش نظلم الملك لان اى حد مكانه كان هيعمل اكتر من كدا
لان دا تصرف ملوش مبرر وملوش تفسير فى نظر الملك
دا غير ان الحكايه دى اسطوريه شويه ومستحيل تحصل فى زمنا دا
ومنقدرش نظلم الفقير لانه فعلا طلع بيقدر الصداقه
وضحى بنفسه علشان صحابه وانقذه من الموت 3 مرات
اما بقى بالنسبه للسؤال

فكل واحد له رايه
فى ناس ممكن تقول مقدرش اعمل كدا علشان مغضبش ربنا
وفى ناس ممكن تقول ابنى الوحيد ومقدرش افرط فيه ولو على صحبى هدعيله بالمغفره واتمنى من ربنا انه يسامحنى
وفى ناس ممكن تقول هصلح غلط غلطه فى حق صحبى واضحى بابنى

عارف انا رايى ايه بقى فى السؤال دا؟

رايى مقدرش اغضب ربنا واضحى بطفل ابن يومين ربنا بعتهولى بعد طول انتظار
وكل اللى بأيدى انى ادعى لصحبى دا بالمغفره والرحمه من ربنا واتمنى انه فعلا يسامحنى
الرجوع الى أعلى الصفحة اذهب الى الأسفل
عاطف
مشرف هو وهى
مشرف هو وهى
avatar

ذكر
عدد الرسائل : 455
العمر : 32
المزاج : عالى وتمام ولوز اللوز
نقاط : 514
تاريخ التسجيل : 22/08/2009

مُساهمةموضوع: رد: ولاحتى اتنين اصحاب   الإثنين 8 فبراير - 8:28:54

ربنا يسامحك ويسامحنى
وهى مش حكاية اسطورية
حدوتة زى اى حدوتة قالوهالنا زمان
على العموم بكرة نشوف الملك هايعمل اية

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ضاقت الدنيا بعد غيبة الاحباب وفرقة الاصحاب فلما الحياة اذا ؟؟!
الرجوع الى أعلى الصفحة اذهب الى الأسفل
 
ولاحتى اتنين اصحاب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كاسر القلوب :: الشارع :: كلام اليوم-
انتقل الى: