جمعيه المطالبه بحقوق الرجل ضد جبروت النساء

جمعية المطالبة بحقوق الرجال

أمام جبروت النساء وتجبرهن
وأمام طغيان المرأة وظلمها الذى فاق كل حد

ولمواجهة ذلك الجبروت والطغيان الحريمى

اجتمعت مجموعة من أشجع رجال هذه الأمة واحكمهم لتقرر انه
قد آن الأوان ليسترد الرجال بعض بعض حقوقهم المسلوبة والمهدرة
على يد النساء
وقد وصل إلى يدى بالصدفة البحته طبعا محضر الجلسة الأولى لهذه اللجنة الموقرة
محضر الجلسة الأولي لجمعية المطالبة بحقوق الرجال
انه فى الزمان والمكان اجتمعنا نحن الموقعين أدناه لإنشاء جمعية المطالبة بحقوق الرجال تحت شعار
يا رجال العالم اتحدوا وخليكم رجالة شوية ( شوية صغيرين بس حتى)

وقد اتفقنا على أن تكون رئاسة الجمعية لعضو لن نذكر اسمه خوفا عليه من بطش وجبروت النساء ( برضه العمر موش بعزقة)

وتسعى الجمعية لضم واستقطاب كل الرجال البؤساء الغلابة الطيبين
والجمعية أيضا ترحب بانضمام أي امرأة يستيقظ ضميرها وتدرك كم الجرائم
الذى ترتكبه بصمتها على جبروت وطغيان النساء الذى فاق كل حد على الرجالة الطيبين المساكين

ونتعهد بمواصلة الكفاح حتى يحصل كل الرجال على حقوقهم التى نلخص بعضها فيما يلى

أولا
حق الرجل فى استقبال الأصدقاء فى اى وقت بالمنزل وان تلتزم المرأة سواء كانت أخت أو أم أو زوجة بتقديم الشاى والكيك من غير التكشيرة إياها
ثانيا
حق الرجل فى قراءة الجرائد بالمنزل والنوم على كنبة الانتريه دون الاتهام بالخرس وجتك... ما تقوم
ثالثا
حق الرجل فى خلع الملابس والقائها فى الانتريه أو الصالون باعتبار حق الفوضى أحد أهم حقوق الرجال وعدم مواجهته بأنه فوضوى و....وإذا كان ولابد فيجب الاكتفاء بالكلام فقط وعدم استخدام اى أدوات أخري فى التعبير عن الغضب الحريمى
رابعا
حق الرجل فى التحدث فى التليفون بصوت هامس دون التنصت عليه والاقتناع بأنه كان يحدث أبو حميد صديقه رغم تلك الضحكة الناعمة الرايقة المنبعثه من التليفون لان برضه فيه رجالة ضحكتهم جميلة أوى وناعمة أوى ورايقة أوى أوى وبلاش سوء الظن
خامسا
أن يكون حق اختيار الشغالة مقصورا على الرجال فقط مع الاقتناع التام انه اختارها لكفاءتها فقط وان قصر فستانها أو ضيق بنطلونها هى أشياء لم يكن له اى دخل فى هذا الاختيار وعايزين يبقى فيه شوية ثقة
سادسا
حق الرجل فى شرب المياه المثلجة من الثلاجة فى اى وقت خاصة بعد منتصف الليل وعدم الالتفات إلى أن الثلاجة فى المطبخ وليست فى غرفة نوم الشغالة
سابعا
حق الرجل فى المذاكرة فى البلكونه فليس ذنبه أن البلكونة فى مواجهة غرفة نوم بنت الجيران التى جلست تذاكر بقميص النوم
وبلاش سوء ظن
أمال يسقط يعنى
ولا يجب تذكيره بأنه فى الإجازة أو انه أنهى كل مراحل الدراسة فالعلم ليس له سن وتحصيل العلم واجب قومى ووطنى على كل رجل يحب هذا الوطن وطبعا يجب عدم الالتفات إلى أن الكتاب كان مقلوب
ثامنا
حق الرجل فى السهر خارج المنزل والعودة متأخرا مع الاقتناع التام بأنه كان فى عزاء صديق له توفى والده وان هذه الرائحة الرقيقة الهادية المنبعثة منه رائحة بخور فعلا وليست بارفان حريمى
تاسعا
حق الرجل فى مناقشة السكرتيرة فى أمور العمل فالعمل واجب والعمل حياة عند الرجال الأكفاء ومناقشة أمور العمل ليس لها وقت ولا مكان محدد وسواء تمت فى المكتب أو السيارة أو الكازينو أو اى مكان آخر المهم أن تكون مناقشة مفيدة وبناءة جدا فمصلحة العمل قبل اى اعتبار آخر
عاشرا
تطالب الجمعية كل الحكومات بخصم نصف دخل النساء وتخصيصه لبناء مستشفى كبير يكون مسئولا عن معالجة إصابات الرجال التى ستنشأ عن محاولاتهم التمتع ببعض هذه الحقوق

والجمعية ترحب باستقبال اى مطالب جديدة للرجال لإضافتها ودرجها فى دستور
الجمعية

Mad

يا رجاله اى حد عاوز يشترك فى الجمعيه يعرفنى بس انا مش مسؤل عنه بعد كده
وعلى فكره انا اصلا مليش علاقه بالجمعيه دى
معلش اعذرونى يا رجاله العمر مش بعزءه

What a Face

يعنى انت هتورطنا فى الجمعية وتخلع يا جبان
تسلم ايدك يا سيمو موضوع رقيق منك
وان كان مش ايجابى بس على الاقل يرفع من روحنا المعنوية

اااااااااااااااااااااااه أنا جدع
انا جرئ انا ممكن اشترك فى الجمعيه
أصلى أنا مش متجوز
شوفتوا الجرأه
مافيش جرئ بقى يطلع يقول انا همسك الجمعيه كلها

ايه أنا معاكم يا شباب

بس اوعى حد يقول لخاطبتى والنبى

ايه يا عم احنا بنخاف ولا ايه
انا معاكم بقلبى وعقلى وافكارى كمان
هما هيرعبونا ولا ايه
دا احنا رجاله برضو

يارب خاطيبتى ماتعرف المنتدى دا ولا تعرف اللى انا كتبه

اتفرجو يا جماعه على المصرى اللى عامل اسد
لا بجد يا مصر انت اسد
وانا شايف بصراحه ان اعضاء الجمعيه مشرفين اوى

وفى حاجه كمان
ياريت نسمى الجمعيه
الراقدون تحت التراب
وكمان يكون شغلنا سرى
ومحدش يعرف عشان مانتعلقش على باب جمعيه المرأه
هاااااااااااااااااااااااااااقولتو ايه

ايه الحماس ده كله يا رجاله خلاص اعتبروا نفسكم اشتركتم خلاص ولا يهمكم حد
Shocked

وشكرا لمرور الجميع

اية ياسيمو هتورطنا وتخلع
على العموم ياجماعه انا مسئول عن الجمعيه دى
والى عايز يدخل الجمعيه انا هحميه
بس والنبى محدش يعرف خطيبتى انا هتنكر ادامها
لازم اتنكر ياعم اية اللى تتنكر ليه على راى سيو هو العمر بعزئه
لوووووووووووووووووووووووووووووووووووووووووووووووول

Suspect

لا كده انا زعلانه هوة مفيش بنات هنا تدافع عن نفسها على العموم انا قدها وانا اللى ها اتصدى للجمعيه دى وبعدين ايه جبروت النساء دة مفيش بنت جباره البنات معروف عنهم الرقة والنعومه واى بنت جبارة تبقى مش معدودة مع البنات انا بقى هاعمل جمعيه اسمها يا بنات المنتدى اتحدوا هههههههههههههههههههههههههه

اولا احب ارحب بالفكره بس للرجاله الى شيفين نفسهم ان مراءه متحكمه فيهم

ثانيا انا برحب بالجمعيه الى الاخت رنا بتقول عليها برضو للنساء الى شيفين نفسهم متحكمين

ثالثا احب اوجه الكلمه لسيمو

هو انت كده علطول فضحنا فى كل حته حتى فى المنتدى

بس على فكره هى جمعيه محتاجه مراءه تمسك الاداره بتاعتها

علشان منقول انهم متحكمين فى المنزل والوقت بس نقول

حتى على النت متحكمين فينا

وعلى فكره انا برحب بكل الاعضاء الى شركوا ويارب محدش عندهم سؤاء فى البيت
( ام _اخت)
سؤاء فى الحياه العلميه
( صديقه او صاحبه)
سؤاء فى الحياه الابديه
( خطيبه _ زوجه )

وبقدم خالص التحيات لكل اعضاء المنتدى

affraid

با مودى باشا انا اصلا مبحبش الراجل اللى تحكمه ست انا بس كنت برد عليكوا قلت بس ادبح لكوا القطه من اول يوم ليا فى المنتدى وبعدين ياسيدى انا ببقى فى قمة السعاده لما الانسان اللى بحبه يمشى كلمته عليه مش عشان هوة مسيطر بس بحس ان ورا دة حب وخوف وغيرة ومتبقاش تقفش ياعم مودى كده jocolor

على فكره انا مش بقفش اطل انا فى اول الكلام او فى اول مواضيعى قولت انى مبعرفش اتكلم او اجامل بمعنى اصح وانا مش بقفش خالص لانى واحد مش وحش من جواياعلشان كده انا ديما هتلاقى ردودى قريبه جدا من بعضهابس يا ريت ان مفيش حد يزعل منى على ردودى وده مش عيب انى اقوله قدام اعضاء المنتدى كله علشان فى اعضاء تكسف تكلم فى الكلام ده وييبعتوا رسايل خاصه وده مش بحبه لان الواحد الى عندو عيب وميعرفش يغيره لازم يكون كل الى حوليه يعرفوه علشان محدش يزعل منه لو صدر منه العيب ده وكفايه كده علشان انا مش عايز اشغل دماغك اكتر من كده

affraid

انتو اتكشفتو يا رجاله
البنات عرفت امر الجمعيه
وجاين يطربقو المنتدى على دماغ صحابه

حرام عليكى وصاحبه ماله هو عمل حاجه فى الجمعيه

صربقيه على الاعضاء الى وفقو على الجمعيه وانموا التفره بين اعضائها

او من الاخر نقلب المنتدى على سيمو ونخلى الكل يخبط فيه علشان انا مخنوق منه

Exclamation

معلش يا صاحبى انت عارف انى بحب اهز

وتسلم ايدك على الموضوع

Very Happy

انا هنسحب من الجمعيه دى وانا اصلا من الاول رافض الجمعيه

ياعم بيقولو هيطربقو المنتدى على دماغ صاحبه ودول قادرين وجبروتهم طايل هو العمر بعزقه

هههههههههههههههههه

أيه يا رجاله

هو أنتوا ماشاء الله عليكوا كده جماعة مستنيين حته جمعيه لما تييجى وتاخدلكوا

حقكوا

يا حبيبى منك له له له له له لكل رجاله المنتدى

الكلام مع الحريم يا يكون بدماغ كبيرة يا أما حيبلفوك بالكلام الناعم والمشاعر الرقيقة

ويمكن توصل لدموع التماسيح ساعات

مش كده يا أتش ولا ايه فاكر دموع التماسيح دى ( بنت حجازى ) أفتكرت

أم هند أنا بقول لكل بنت على المنتدى شايفه نفسها أن هى متحكمه

( اللى ليها شوق فى حاجة تيجى ولو تقدر تعملها )

و أنا أهه بقولها من هنا أنا أذا الرجاله مبقوش رجاله حعلمهم أزاى يبقوا رجاله

طبعا يا جماعة كل اللى فات ده كان هزار

بس لو البنات عايزيين يشعللوها أنا موجود

وكمان حخلى بنت اللى ترد عليكم كلكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
سلام...................................

[b]هههههههههههههههههههههههه انتوا لسه شفتوا حاجه احنا لسه هنشعللها ده الدم هايبقى للركب
وخلى ياسيدى بنت ترد علينا
واحنا برضه لينا رجاله هاترد عليك
وبعدين يا اندر اارجوله محدش بيتعلمها والا انت شايف ايه
وعلى فكرة مش هاتخلص منى انا لسانى اطول منى ههههههههههههه
اوعى تزعل انا بهزر معاك ياباشا
geek

يا سيتى أنا تحت أمرك و أمر الرجاله اللى عندكوا

والميدان واسع

فى أجدع من كده

يعنى من الأخر اللى ليه شوق فى حاجة ييجى ويقول

على فكره الكلام هذار لكن الفكرة جد

ههههههههههههههههههههه

وكمان حاجة :

الرجوله فعل مش كلام

ولا بالصوت العالى والكلام وخلاص

فى ناس رجاله بالفعل

وفى ناس تانية والحمد لله مش موجودين على المنتدى ده ( مهماش رجاله أصلا )

سلام.......................

» 4 انواع من النساء يحبهم الرجل
» رسالة من المراه الى الرجل
» جمال المراه ووسامة الرجل
» انواع النساء بلغة الكمبيوتر
» تعريف الرجل