(الحلقة الاولى)
الام:لووووووووووى لووووووووووووى
الاب:ايه يا جملات بتزغرطى كده ليه؟
الام:اسكت يا حج فتكات جالها عريس يا اخويا
الابوعنيه مبرأة ومذهول) فتكات بنتنا يا ولية ولا انا بيتهيألى!!!!يا اما أنتا كريم يارب أخيرا هتتفك عقدتها
الام:وطى صوتك يا متولى البت تسمع تتقهر يا أخويا احنا ما صدقنا
الاب:طيب طيب خلاص بس تعالى احكيلى مين اللى امه داعية عليه ده
الاموهى فى منتهى الانشراح) ده الواد عبد المتجلى ابن الست بهية فى الشارع اللى ورانا يوه ما انتا عارفهم يا راجل كان ابوه بتاع مراجيح
الاب:ها كملى.... اولها مراجيح ربنا يستر
الام:هو عمره ما شاف فتكات بس سمع عن ادبها وجمالها اصله كان مسافر الخليج يا اخويا
الاب:أدبها طب قولى حاجة غير كده يا ولية ما انتى عارفة بنتك لسانها طول نفق شبرا
الام:يوه بقى يا متولى سيبنى اكمل يا راجل وما تبوظش فرحتى
الاب:يعنى بيشتغل ايه حيلة امه ؟
الام:بسم الله ماشاء الله ميكانيكى اد الدنيا
الاب:يلا لو زبال حتى انا عاوز اجوزها قبل ما أتشل وتجيلى جلطة من عمايلها السودا
الام:بعد الشر عليك يا ابو فتكات ....وتعيش وتشوف ولاد ولادها
الاب:لالالالا هى بس تتجوز ومش عاوز اشوف اى حاجة من ريحتها ده انا جالى الضغط والسكر منها يا جملات
الام:ههههه تتك أيه يا متولى ضحكتنى ده انتا بتموت فيها يا راجل مش بنتك الكبيرة
الاب:امال ايه ....بس ربنا يهديها وتتم الجوازة على خير
(صوت تكسير وصريخ ابنهم الصغير حناطة خارج بيجرى من اوضته )
حناطة:أاااااااااااااه الحقونى يالهووووووووووى
(ويستخبى حناطة ورا كرسى أبوه .....بينما تخرج الليدى فتكات بتجرى وراه وهى بنت شرسة رغم ملامحها التى تبدو الى حد كبير مقبولة ولكنها غير منظمة فى مظهرها وعنيفة وصوتها عالى باستمرار)
فتكات:وحياة أمك وأبوك اللى رايح تستخبى وراه ده لقطعك ياخرتيت انتا.....مااااااااااشى اما كهربتك يا حناطة وانتا نايم وتموت مفحم ما أبقاش أنا فتكات
الاببمنتهى الهدوء والرعب طبعا من منظر بنته وفلذة كبده فتكات) ايه يا فتوكة صلى على النبى فى قلبك كده يا بنتى فى ايه بس؟
فتكات:اسكت انتا دلوقتى يا عم الحج سيبنى منى له
الاب:عم الحج!!!! يا بت احترمينى الله يحرقك ده انا ابوكى
كان يوم اسود يوم ما أمك قالتلى انها حامل فيكى
الام:اة يا اخويا حتى يومها المرحومة أمك ربنا افتكرها اهى البت طلعت لها
فتكات:يا عينى عليكى يا فتكات كلهم عليكى الهى اشوف فيكو يوم
الاب:يلا يا حناطة على اوضتك ماتخفش ....(ويلتفت الاب لفتكات) وانتى يا أم طويلة أترزعى جمبى هنا عايزك
فتكاتتقعد على الكرسى فى انكسار وهزيمة بعد ما حناطة فلت من تحت سنانها) افندم يا بابا
الاب:ايه الادب ده كله .....الله الله
الام:خلاص بقى يا متولى يلا فرحها بالخبر (وتطبطب على فتكات وعلى وشها ابتسامة عريضة)
الاب:احممممم بصى يا فتكات يابنتى خالتك حسنية جايبة لك عريس لوقطة وهيجوا يشوفوكى الخميس الجاى
الام:لووووووى مبروك يا نور عينى عقبال الفرح يارب(وتبوس فتكات التى جلست فاتحة بؤها ومذبهلة من خبر زيارة عريس الغفلة)
الاب:هو اسمه عبد المتجلى وبيشتغل ميكانيكى محترم .......ها ايه رأيك .؟
فتكات:ايييييييييييه ميكانيكى يعنى ايده سودا وريحته بنزين 80....مستحيل اتجوزه مش عايزاه
الاب:هتشوفيه غصبن عن عين ابوكى .....هو ده اللى عندى واعملى حسابك على الخميس اللى جاى
فتكاتوعنيها بتطق شرار وتحدى) بقى كده ماشى
انتا اللى جبته لنفسك يا سى عبد المتجلى ..........
لسة الخطوبة وربنا معاك يا عبده