عاملين جدعان وهى مش جدعانه اصلا....

عنوان غريب انا عارف


بس مالقيتش كلام اقدر اوصلكم فكرى بيه اكتر من العنوان ده


توضيح اكتر

مواقف بيقوم بيها الشباب على اساس انه هو كده جدع ... راجل
لكن هى مافيهاش اى جدعانه

على سبيل المثال
شارع البحر ف الاسكندرية
للى مايعرفش شارع البحر ف اسكندرية
( ده عباره عن شارع مساحته بالعرض بتسع 4 او 5 سيارات جنب بعض
وكل عربية واخده سرعتها العالية اللى ماتقدرش تفرمل من خلالها )

المهم
تلاقى شباب بيعدى الطريق وهو معرض بكل الاحوال
للموت وهو جنبه على مسافة 5 متر
نفق تحت الارض من السهل انه يروح وينزل منه ويعدى ف امان
لا بس ازاى لازم يعمل انه جدع قدام زميلته او صديقته
ومش مهم هو معرض لإيه
معرض لسواق ميعرفش يفرمل لو حصل حاجه
معرض لسيارة سرعتها عالية جدااااا

معرض انه يتسبب فى ان والده او والدته ممكن يجلهم ساكته
قلبية لو سمعوا عنه خبر وحش
بس كل ده مش مهم قصاد جدعنته قصاد البنات


نقطة تانية
الصيف والبحر
انتم عارفين البحر ف اسكندرية اكل كام شاب
هما هنا بيقولوا اكل يعنى اتسبب فى موت كام شاب

بيقولوا 12 شاب
وطبعا مأكلهمش وهما على الشط
عارفين طبعا اكلهم وهما فين ( جواااااااااااااااااااااا )

وبرضوا مش بيفكروا فى اهلهم
اللى ممكن حد منهم يفقد عقله بسبب جدعانتهم

المهم انا كبرت
انا راجل
انا اعمل الغلط ومش مهم اللى حواليا


جايز اكون جامد ف كلامى
لكن ما باليد من حيله
لاتخذ قرار بمنع نزول البحر فى ( الغويط )
او من يقوم بالمرور من الطريق او النفق يتسجن
على سبيل المثال 24 ساعه


خلوا بالكم من نفسكم
سوا كنتم شباب او بنات
واوعوا تعتبروها جدعانه دى مش اى حاجه
غير استهتار ولا مبالاه وعدم مسئوليه

سلااااااااااام