الحلقة التالتة من مغامرات موني و تايجر .....

اهلا و سهلا يا صحابي

شوفتوا الي حصالي امبارح من المنحوسة مراتي الفقارية الي بتحب الفقر من يومها

جبتها و نضفتها و بردوا مش عايزة تنضف عايزة تبقي فقر من يومها خليها فالحة في الجاموسة و خلاص
و مأهملة في جوزها حبيبها الي واخداه عن حب (بعد الشر يعني) دا كان في الاول بس و شكلة كلة كان وهم و انا مكنتش واخد بالي .... اه يا اصحابي من الي حصلي كان يوم اسود امبارح اسيبكوا بقي تشوفوا اية الي حصل .

تايجر :- اااااااااااااااااااااااااااااااااه ااااااااااااااااااااااااااااااااااااااااه

موني :- هههههههههههههههههههههههههههههههههههههههههههههههه

تايجر :- بتضحكي يا بوذ الأخص انتي .... انتي السبب في الي انا فية دة كلوا

موني :- احسن .. الي بيجي علي الجاموسة بتاعي ادوس علية بالجزمة .

تايجر :- لمي نفسك يا ولية بدل مقوم اعبيكي في اكياس سودة و قومي هاتيلي شوية مية بملح انقع فيهم رجلي ....

موني :- يعني انت حصلك اية يعني ؟

تايجر :- لا يا فقرية محصليش حاجة ... ربنا يجحمك ... كل الي حصلي بس ان البلد كلها زفتني و قعدت تقول من دا بكرة بقرشين و تايجر باع ارضة .....دا كفاية ان انا كنت راكب علي حمار بالشقلوب و العيال بتجري ورايا زي المجنون .

موني :- ههههههههههههههههههههههههه احسن يا بعلي

تايجر :- يلا يا اخرت صبري هاتيلي مية بملح خليني اخش اريح شوية عايز انام

موني :- حاضر قايمة اجيبلك اهه يا رب يا اخي تام يجيلك كابوس تقوم من النوم مفزوع و تجري علي الحمام و يجيلك اسهال تيجي تخش الحمام تلاقيني جوة هتفضل تخبط تخبط مش هفتحلك طبعا تجري تطلع عند الجيران محدش هيفتحلك طبعا لأنهم هيكونو نايمين تنزل جري علي الشارع و انت بتعدي الطريق اتوبيس سياحي فاخر من الي انا عارفاه يعدي عليك و اخلص منك

تايجر :- طيب ابقي استغطي باليل كويس علشان متلكيش كتير و هاتي المية يلا

موني :- خد المية اهه

تايجر :- يااااااااااااااااااااااااااااااااه زي مكون عطشان و شربت ..

تايجر :- انا قايم انام بقي مش عايز دوشة

موني :- نوم العوافي يا سبعي (يا رب خلصني منة زهقت )

تايجر :- خخخخخخخخ خخخخخخخخخخ خخخخخخخخخخ

موني :- اهه بيشخر زي الجاموسة يلا انا كمان قايمة انام

موني :- اسطبحنا واسطبح الملك لله يا رب الراجل لسة موجود ممتش اما اقوم اخدلي دورين غسيل كدة

موني :- يا حلاوتك يا غسيلي يا ابيض زي الفل مين في شطارتي مين بيعرف يغسل زيي

تايجر :- اووووووووووووووووووف علي الصبح الولية دي شكلها مش هتجيبها البر معايا شكلمي هحطها في الغسالة و اقفل عليها اخدها فومين علشان دماغها دي تنضف من الي فيها

تايجر :- انتي يا ولية انتي يا الي اسمك زفتة موني انتي يا ست

موني :- صباح الزفت علي عيونك يا بعلي عايز اية يا راجل بتزعق لية كدة علي الصبح

تايجر :- انتي مشغلة الغسالة دي لية كدة علي الصبح مش عارفة ان فية لطخ ناايم

موني :- هههههههههههههههه كويس ان انت عرفت نفسك

تايجر :- بتقولي اية يا ولية علي الصبح خلي صباحك يعدي

موني :- مش بقول حاجة

تايجر :- انا صايم النهاردة اهه ادعي بقي اكمل صيامي للآخر

موني :- يا رب يا جوزي يا حبيبي تعقل كدة و تصوم لأخر اليوم

تايجر :- اعقل اية دي يا ولية انتي شايفاني مجنون ولا اية

موني :- لأ لسمح الله انت اعقل واحد (بسايسة بس لحد لما نشوف هيصوم لا لأ لو مش هيصوم هياجد بالشبشب)

تايجر :- طيب الساعة كام دلوقتي

موني :- الساعة 4 العصر

تايجر :- لسة قد اية علي الفطار

موني :- لسة ساعتين و نص

تايجر :- يااااااااااااااااااااااه طيب انا هنام شوية كمان

موني :- طيب يا جوزي يا حبيبي يا رب يهديك و تبطل فرجة علي هيفا دي الي جيباك ورا الشمس

تايجر :- متجبيش سيرت هيفا علي لسانك لحسن احلف ان انا مش هصوم دي ستك هيفا

موني :- لا وعلي اية بعد الفطار نتكلم (شكل الشبشب هيشتغل)

تايجر :- يلا اطلعي و اقفلي الباب وراكي و صحيني علي الفطار

موني :- حاضر يا سي تايجر اما نشوف اخرتها معاك اية

جينا بقي ساعت الفطااااااااااااااااااااااااااااااااااااااااااااااار

سلي صيامك مع بيبسي

موني :- اصحي يا بعلي اصحي الأذان اذن

تايجر :- يا ولية انتي بتيجي تقطعي كدة لحظات حياتي الحلوة علي طول هيفا حياتي كانت معايا في الحلم

موني :- هيفا .... طيب يلا قوم يا راجل افطر طفحت السم

تايجر :- حاضر يا ولية

تايجر :- و لسة خارج من القوضة و لقيت الولية الهابلة بــــ ......

موني :- لولولولولولولولولولولولولولولولي

تايجر :- اية يا ولية يا هبلة بتزغرطي لية ؟

موني :- اصل انت صومت يا وكستي

تايجر :- اهااا تصدقي ان انتي ولية خرفانة

موني :- بقي كدة يا راجل علشان فرحانالك ابقي بخرف

تايجر :- يلا يا ولية حطي الاكل و بطلي لك

موني :- حاضر اهه بحط

تايجر :- اللهم ان لك صمت و علي رزقك افطرت و عليك توكلت ذهب الظلام و ابتلت العروق و ثبت الأجر ان شاء الله

تايجر :- ساعت الفطار دي متتعوضش و الله يا موني يا سبب تعاستي في الدنيا دي

موني :- اه والله يا واد يا تايجر كل كل انت صايم

بعد الفطار بقي .....

في حدود الساعة 8.30 كدة الواحد عايز يرتاح بقي شوية في هدوء

تايجر:- ممكن تعمليلي شاي وياريت زي كل مرة

موني :- حاضر وهشرب معاك
تايجر:- يا باااااااااااااااااااااااي طيب اطفحي معايا

موني:- تحب كام معلقة سكر

تايجر:- موني انتي كل يوم بتعملي الشاي يبقى اكيد عارفة

موني:- بحب اتأكد

تايجر:- اخر مرة 3 ملاعق
موني:- 3 كتير قوي مش كويس على صحتك (هحطلك 100)

تايجر:- انا بحبه كده سكر زيادة

موني:- انت عارف السكر ده ممكن يعمل ايه؟؟؟

تايجر:- عارف وعايز شاي سكر زيادة ممكن

موني:- بس انا خايفة عليك

تايجر:- متخفيش ده سكر مش عفريت

موني:- بتهرج

تايجر:- عايزاني اعمل ايه أزعل واقوم وبلاش شاي هروح اشربه على القهوة

موني:- قول كده بقى عايز تعملها خناقة عشان تزعل وتروح تقعد على القهوة مع اصحابك اه

تايجر:- ولاخناقة ولازعل ولاشاي اساسا

موني:- قصدك ايه؟!

تايجر:- مش هشرب شاي هتفرج على التليفزيون احسن

موني:- احسن باردوا الشاي بيسهر وانت عندك شغل الصبح بادري

تايجر:- ياساااااااااااااااااااتر

موني:- بتقول ايه يا بعلي

تايجر:- ولا حاجة بعلتي

موني:- في مسلسل فظييييع فظيع تشوفوا معاية

تايجر:- معنديش مانع

موني:- يييييييييييي اعلانات

تايجر:- اديني الريمود شوية هشوف حاجة

موني:- المسلسل جي دلوقتي

تايجر:- لغاية ما الأعلانات دي تخلص

موني:- بسرعة بسرعة بسرعة

تايجر:- ياه الماتش ده جامد

موني:- المسلسل يازفت

تايجر:- اعلاناااااااات يا هبلة يوووووووووه شوت بقى يا اخي شوفتي الكورة طلعت اوت

موني:- المسلسل هيبدأ

تايجر:- لسة اعلانتهم كتير
لالالالا الحكم ده مفتري

موني:- هات المسلسل بقى

تايجر:- اهووووووووووووووه

موني:- شوفت ضيعت عليه اوله

تايجر:- ما انتي بتشوفي الأعادة ياحياتي

موني:- مش هصبر لغاية بكرة عشان اشوف ايه اللي حصل

تايجر:- اسمه ايه بقى المسلسل الفظيع ده

موني:- تامر وتفيده

تايجر:- هههههههههههههههه تامر وتفيده حاجة تضحك والله واحد اسمه تامر يحب واحدة اسمها تفيدة مشكلة

موني:- يعني في واحدة اسمها موني تحب واحد اسمه تايجر ياواكسني

تايجر:- قصدك ايه اسمي مش عجبك؟؟

موني:- ابدا يا غبي انت اللي بتربط الحب بالأسامي وده عشان انت اصلا مش رومانسي

تايجر:- انا مش عارف ايه اللي عجبك في المسلسل ده

موني:- الرومانسية اللي فيه

تايجر:- وانتي مصدقة الرومانسية دي بقى

موني:- طبعا مش شايف تامر بيعامل تفيده اذاي مش انت

تايجر:- يعني لازم اعمل ذيه عشان تصدقي اني بحبك

موني :- ومتعملش ذيه ليه هتنقص حتة ولا كرامتك متسمحش

تايجر:- ولا دي ولا دي حاجات تبان من الأفعال مش من الكلام واذا كان على الكلام مفيش اسهل منه يا مفضوح

موني:- بس هو بيحبها بجد

تايجر:- حبيبتي ده مسلسل دول ممثلين وده تليفزيون واحنا المشاهدين الهبل اللي قاعدين يتفرجوا

موني:- قصدك ان الحب هبل

تايجر:- لو بالشكل ده يبقى هبل

موني:- مش ممكن يجنن يجنن يجنن

تايجر:- هو ايه ده اللي مش ممكن ويجنن

موني:- هاتلي بوكيه ورد زي اللي تامر جيبه لتفيده

تايجر:- اهو هو ده الهبل بعينه.

و انتظروني في الحلقة الجاية و مشكلة جديدة مع مغامرات موني و تايجر

قشطة يا تيجر خلى بالك معنتش تضربها تانى عشان هيه كانت ناويه تروح محكمة الاسرة تشتكيك وابقى هات لها جاموسه عشان متزعلش
وغسالة اتومتيك مش معقول تغسل على ايديها دى بنت ناس مش جايبها من الشارع او هات لها خدامه
انا بهدى النفوس
مستنيه باقى الحلقات وربنا يستر عليك لما تشوفك

هههههههههههههههههههه

منوراني يا الاء و الله انا الي خايف اشوفها اساسا حاسس انها هتنط في كرشي

و ان شاء الله هجيبلها جموستين مش واحدة بس

ياعم انت هتفشر

جاموستين معاك حقهم

وهتنط فى كرشك على اساس ان عندك كرش

بس بجد حلقه جامده اوى

والله واللله والله والله

انا لو مكانها هفرومك
يا تايجر والله

هههههههههههههه

بس جااااااااااامدة

والله الحلقات جامده

انا بقيت اتابعها اكتر مبتابع مسلسلات رمضان

ربنا يهديك يابنى والله بس كويس علشان صومتلك يوم

هههههههههههههههههههههههههههههههههههههههه

affraid

هههههههههههههههههههههههههههههههه

جاااااااااااااااااامدة اوى اوى اوى

يا واد والله

شديدة بس امنية مش كدة خالص

ولا اقولك انت ادرا بس ونبى نفسى انزل مرة معاكم فى حلقة

ههههههههههههههههههههههههههههه

بس كدة يا محمود من عيني الأتنين بس متزعلش بقي من الي هيحصل فيك من امنية الحلقة الي انت هتنزل فيها هههههههههههههههه

و اهه يا حببتي صومت يوم علشان متقوليش ان انا مصومتش و تقوليلي يا فاطر هههههههه

منوراني يا مروة يا حببتي و بعدين خلي الطابق مستور اه اقدر اشتري 3 جواميس كمان ههههههههههههههه

الحلقة حلوة بس ممكن اعرف انت شغال اية
والله يامونى الجاموسة كانت ارحملك
هى راحت فين والنوبايل ابو بولولوث راح فين
لو هاتبيعه ممكن ابيع البقرة بتاعتى واشترية

اوعي يا عاطف تبيع البقرة احسن موني تبلغ عنك العمدة و يحصل فيك زي محل فية

لو عايز الموبيل و تديني الجاموووسة هبقي ابيعهولك في السر

هشششششششششش مش عايز حد يسمعنا وطي صوتك

الحيطان ليها و دان

ههههههههههههههههههههههههههههههه

منور يا تيفا و الله

ههههههههههههههههههههههههههههههههههههههه

والله الحلقات دى مسليه جدا جدا جدا

أهه بتسلى الواحد بالليل بدل ما هو قاعد فاضى

هه

أكمل باقى الحلقات

سلام..................................

ماشي يا سيدي ادعولنا بقي ههههههههههههههههههه

» الحلقة السادسة من مغامرات موني و تايجر .....
» الحلقة الأولي من مغامرات موني و تايجر
» الحلقة التانية من مغامرات موني و تايجر .....
» الحلقة الرابعة من مغامرات موني و تايجر........
» الحلقة الخامسة من مغامرات موني و تايجر!!!