الحلقة الرابعة من مغامرات موني و تايجر........

و رجعتلكو تاني يا اصحابي

معلشي اتأخرت عليكو شوية بس عقبال لما خلصت من شري الطلبات بتاعت مراتي الي مبتخلصش هتعرفوا كل حاجة في الحلقة .............. و ادعولي ربنا يقدرني و يصبرني علي البلوة الي معايا في البيت دي ...

موني :- اااااااااااااااااااااااااااااااااااااااممممم يا حبيبي المسلسل كان رومانسي بشكل يااااااااااااااااااااه

تايجر :- ههههههههههههههههه حبيبي ههههههههههههه الكلمة دي مسمعتهاش من زمان

موني :- الله يصد نفسك (فقري)

تايجر :- لية بس يا مونمونتي انا عملت اية بس

موني :- المشكلة ان انت مبتعملش زي الحيطة المايلة لا بتصد و لا بترد يا راجل اتلحلح كدة بقي انا اقولك المسلسل رومانسي يا حبيبي تقولي بصوتك الي يوقع البيت دة (حبيبي دي مسمعتهاش من زمان ) يا ربي يعني انت خلصتني من الجاموسة حببتي و سايبلي البغل دة

تايجر :- خلاص خلاص قومي يلا اعمليلي شوية شاي خلي مزاج الواحد يتعدل

موني :- كل شوية شاي شاي هوة انا الخادامة الفليبينية الي جابهالك الحج

تايجر :- مش عاجبك ولا اية (الشبشب)

موني :- حاضر هقوم اعملك سم هاري يا رب تموت

تايجر:- في ستين نصيبة تشتالك

راحت جابت الشاي و جت بقي و مسهوكة كدة يبقي اكيد هتقولي خبر زي الزفت مهية فقرية مش بيجي من وراها الا الحاجات الي شبهها يلا نشوف هتعمل اية فية المرادي

موني :- اتفضل الشاي يا سبعي

تايجر :- مالك كدة يا ولية خييييييييييييييييييييييييييير عايزة تقولي اية

موني :- بصراحة!!!!! (ربنا يستر لو قولتلة هينط في كرشي )

تايجر :- اية يا ولية قولي اخلصي

موني :- انا عازمة ماما هنا بكرة ان شاء الله

تايجر :- يا نصيبتك السودة يا ولية

موني :- اية بس يا تيجر في اية مالك

تايجر :- يا خراب جيبك يا تيجر يا حصرت فلوسك يا تايجر يا مراتك الي مش عملالك حساب يا تيجر

موني :- كل دة علشان عزمت ماما

تايجر :- اه يا هانم المفروض تيجي تقوليلي و لا انا طرطور في البيت افرضي انا مش عامل حسابي انها جاية اروح استلف انا ولا اروح اشحت ........

موني :- اعمل اية مهية الي قالتلي انا جاية افطر عندكوا بكرة اقولها انا اية متجيش

تايجر :- قوللها معزومين في اي حتة مش هتعرفي تتصرفي لكن انتي بقي عايزة جيبي يتخرب و عايزة اي حد تفضلي تلكي معاه و خلاص

موني :- اهه الي حصل حصل

تايجر :- ايوة يا هانم منتي مش غرمانة حاجة مهوة عندك بنك متنقل هوة الي بيصرف

موني :- بنك اية يا حصرة بالجنية و لا الاتنين جنية الي انت بتسبهوملي هنا

تايجر :- احمدي ربنا غيرك مش لاقيهم ..... يا رب تزول من وشك العكر دة

موني :- طيب هنتصرف ازاي دلوقتي عايزين نشتري اي حاجة علشان الأكل بتاع بكرة ان شاء الله

تايجر :- طيب يلا يا فالحة البسي هدومك خلينا ننمزل نشوف هنشتري اية

موني :- في ثواني ....

تايجر :- اه دلوقتي في ثواني لكن لو حاجة مش علي مزاجك سنة علشان تعمليها (يلا امري لله) هيبقي موت و خراب ديار

و نزلنا انا و العقربة مراتي علشان نشتري شوية حاجات للحلويات و ياميش رمضان و كدة لأن الي عندنا كان خلص

شوفو اية الحوار الي دار بين العقربة مراتي و البياعة

رحنا بقي نشتري من حتة اسمها الميدان اجاركم الله من الزحمة الي بتبقي هناك و بالذات في رمضان اخدنا التكس واولا النقطة الى ممكن نوصل فيها بمواصلها تبعد عن نقطة الصفر بشارعين مزدحمين حوالين الدكاكين و البياعين الي واقفين في الشارع .... اجاركم الله

المهم لقيت نفسي في وسط الميدان الحمد لله وصلنا ......

تايجر :- اية يا ابلة هنشتري اية

موني :- مش فاضية استني بشوف الحاجات اهه النضيفة من الوحشة

تايجر :- قومت وقفت على اقرب بتاع تمر وف ودنة والله يا موني التمر دة حلو يلا اشترى

موني :- استني بس يا حبيبي اصصصصصصلللل
موني :- اصلها تمرة خفيفة مش حلوة قوي يعني

تايجر :- اهه الحجج بدأ تشتغل

البياع :- عندي يا مدااااااااااااااااااام اهه دي و دي و دي و دي و دا و دا و دي

اجاركمم الله من البياعين هناك في المنطقة دي بيقفشو في الواحد مش بيسبوه و بيني و بينكوم انا كنت قاصد ههههههههههه

موني :- (بصوت واطي قوي) هشترى من اول حد كدة التمر مش اوى

تايجر :- لية يا موني دة جميل اهوة هتلها يا عم واحدة تدوقها عشان تعرف

البياع :- يا حجة دة زى الفل اهوة دوقى اعملى شوفى(والك اية الك اة).

المهم موني بلعتها زى الشربة ماشى هات 3 كيلوا ...انتي مش شايفة ان تلاتة كتير خليهم كيلو و نص يا حج

و بتخبطني في كتفي

ماشى يا واكسني لما نروح بس

تايجر :- واللهى يا موني دى حلوة وشكلة راجل غلبان بالذمة مش هو اولى من لو روحتى لتاجر كبير

الله شوفتى بتاعت مكسرات ويميش اهية شوفتى حلوة ازاى

وقفت لزقت ف المحل (انا مبصدق بقي )

تايجر :- والمرة دى ربنا وقعنا ف صنف منكرهش ادة الغبىىىىىىىىىىى

البنت الى بتشتغل ف المحل زى البهلوان الى عمال يتنطط فوق الادراج والاستندات لان مفيش مكان ع الارض لا جوا المحل ولا براة

موني يا بنتى هاتيلنا زبيب من الكبير

البنت:- من الايرانى ولا من الاردنى

موني:- لأ ايرانى لا هاتى الاردنى الكبير الحلو دة

تايجر:- يا موني اسكتى هو يعنى ايرانى بحق وحقيقى

موني:- لا ايران لأ (محسساني انها مرات ابوها)

البت: اة يعنى اجيبلك الاردنى الصغير

تايجر:- لا معلش هاتى من الكبير احنا عاوزين الكبير

البنت :لا بس الحجة قالت الاردنى

خنفرت وبدئت اطلع نار من وشى

موني :- يا بنتى هاتى من الكبير بلاش زهق باة اخلصى (هتاكل البت)

البنت: الله يا ابلة مش انتى الى بتقولى ايرانى لأ

تايجر:- والنبى يا جميل تخلصينا احنا لا عارفين ايرانى من اردنى هاتى الكبير وخلاص ...وربنا شكلة ف الاخر هيطلع صنع ف الصين

موني :- طب تين بقا يا قمر هاتى نص كيلو

البنت :- عوزاة من اللفف ولا من الى ربط

موني:- اى حاجة يا حبيبتى هاتى نص كيلوا وخلاص

البنت:- اصل اللفف معنديش انصاص عندى العلب الكيلوا على بعضها

تايجر:- خلاص يبقى هاتى الربط

البنت: اصل الربط مش بيبقى نص نص يعنى ممكن يزيد حبةوممكن ينقص حبة

تايجر:- يزيد ينقص طالما الفرق صغير اوزنى واحدة مش فارقة

البنت:اصل اللفف دة عمانى وعندى فلسطينى متاخدى لفة احلى كيلوا من الفلسطينى احلى نوع عندى وفر جنية بس عن العمانى اجبلك الامراتى؟؟؟؟

تايجر:- قولت هاتى ربطة هاتى ربطة هناخد من الربط هاتيلنا ربطة واخلصى

وبدء النور يضلم وحسيت بنبض قلبى ف عنيا غير الى رايح والى جاى زق وزحمة وخنقة وطين تحت رجلى كل ما اطلع منة اغرس فية وآآآآآآآآآآآآآآة بدئت اتحول منك لله يا بعيدة
لقيت موني مسكتنى من ايدى

موني:- معلش معلش غبية .. ادينى فسحتك وفرجتك الدنيا وفرجتك الناس الاغبية بيبقوا عاملين ازاى

تايجر:- عادي عادي منا واخد علي الغباء دة (هيبقي يا ربي غباء في البيت و برة)

وعلى ما بدئت ابتسم وافك

قاطعتنا سيدة اغبياء العالم يا استاذ الربطة طلعت 650 جرام اكملهالك كيلوا بأة

تايجر :- يختىىىىىىىىىىىىىىىىىىىىى

موني :- انا قولتاك نص كيلوا وبدئت موني تتحول (يا رب كانت تجيلك ساكتة قلبية و خلاص)

البنت :- ومالة يا ابلة اكملهالك كيلوا

موني ومالة انتى ما تشيلى ال 150 جرام اسهل من انك تحطى 350

البنت :- لا اصلى مش هعرف بصى انا هكملهالك كيلوا ومسكت لفة تين تانية فعصتها بايديها الجميلة وبتكمل الكيلوا

تايجر:- انتى بتعملى اية

البنت:- هكملهالكم كيلوا

موني :- انتى متربـــ ....بلعت الكلام لما مسكتها (لسة لسانها الزفر كان هيودينا في داهيه)

تايجر:- بهدوء غريب احنا مش قولنا نص كيلوا

البنت :- اصلى مش هعرف اقطع الرابطة

تايجر:- طب ما انتى قطعتى واحدة تانية بوظتيها عشان 300 جرام كنتى قصتى دى وخلاص

موني:- يا بنتى احسبيها على بعضها زى ما هى كدة انا هاخدها

البنت :- ازاى يا مدام دة فى 150 جرام زيادة ع النص

موني :- أةةةةةةةةةةةةةةةة عاااااااااااااااااااااا سيبونى عليها

تايجر:- احسبى ال150 جرام على النص كيلوا

البنت :- لا انا مش هعرف انا هحسبهالك ربع كيلوا وخلاص باة طالما انتى عاوزة كدة يا اما اكملهالكم كيلوا

تايجر:- بدئت اسمع صوت طئطئة ف دماغى وبدئت احول واتحول وازاى يعنىىىىىىى

البنت :- اصلى مش هعرففف
ا
تايجر:- ما هو اصل.... المهم اعدت اشرحلها ازاى تعمل العملية الحسابية وبنفس الغباء فضلنا واقفين كمان نص ساعة وهى مصممة يا تقفل الميزان كيلوا يا تحاسبنا على انهم ربع كيلوا

اعدت حسبتلها الحساب يا بنتى كذا

وهى مصممة تحسبة انة كيلوا الا ربع

لحد ما جية واحد محترم حسبها تانى قصادها وطلعت الى بقولة صح

وجابت بياع تانى جارها وجاب الاختراع الى اسمة الحاسبة وبرضة هو هو نفس الحساب

واجارك الله على ما اقتنعت وادتنا برضة بقيت الفلوس على حسابها هى ووقفنا نهاتى على ما ادتنا الباقى

بصيت لموني لقيتها غرقانة ف عراقها اااااااااااااااااااااااااااف وانا لو حطوا عليا رغيف عيش هيستوى من كتر السخونية من الزحمة الي كنا فيها

موني :-يا رب كان نفسى اشتمها

تايجر:- يا رب انا لية مطلعتش لسانى طويل واة

موني:- لسة مجبنااااااااش.............

تايجر :- قبل متكملي كلامك يلا علي البيت عدل و انا هنزل اجيبلك 2 كيلو لحمة و خلاص و نخلص الحوار دة

منك لله انتي و امك في ساعة واحدة يا شيخة يا رب يريحني منك انتي و هية

تايجر :- تاكسييييييييييييييييييييييييييييي

اشوفكم في الحلقة الجاية و يوم جديد من يوميات مغامرات موني و تايجر

انا جاااااااااااااااااااااااااااى اهدى النفوس

انت بتدعى على مراتك وحماتك

حرااااااااااااااااااااااااااااام عليك

بكره تشوف لاالويل يا تيجر

يس بجد لقه حلوه

ربنا يوفقك

تسلـــــــــــــــــــــــــــــــــــم ايدك

هههههههههههههههههههههههههههههههههههه

انت بجد يا محمد

مخك جامد اوى

ههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههه

الغباء غباء

جوه البيت ولا حتى بره البيت

والمنحوس منحوس

أكيد مدام محمد هشام يوم ما أتجوزت أنت و مونى

أداتلكوا البركه

بركاتك يا ألااااااااااااااااااااااااااء

حى

ممكن تحسبللى الحسبه اللى أنت حسبتها للبت بالظبط

ههههههههههههههههههههههههه

تدبيسه

سلام.................................

هههههههههههههههههههههههههههههه

يا عم دي بت غبية قوي اقولها ب10 جنية هية مصممة انهم 11

و مسابتناش الا لما خدت ال11

بالنسبه للاخ تيجر انا هروح لحماته هخليها تشوف الكلام ده لا هيبقى فيها ولا خطوبه ولا جواز هههههههههههههههههههههههه بتدعى على حماتك دى بتحبك يا.........

بالنسبة للاخ زيزو فعقبال لما ادى مراتك البركه

هههههههههههههههههههههههههههههه

اوعي يا بت يا لولو دنا بحبها و الله

دي حماتي الوهمية هههههههههههههههههههههههه

هه

خفت انا

أخاف و أكش من ده الوش

هه

يا ماما أحنا عيله متمشيش معاها بركات

أعملى اللى أنتى عايزاه

بس بعيد عنها هه

و انتى عارفه ليه

سلام.............................

اه يا احمد اخاف طبعا و بعدين حماتي دي ست طيبة قوي و عسل قوي قوي كمان و ربنا يخليهالي هية و بنتها يارب

هى امها كل يوم عندكم ربنا يكون ف عونك يابنى دى لومراتى اطلقها بسبب امها
اة والله شوية شوية تقولك عازمة الاء على الفطار وتقوم داخلة قايلالك اللة يسهللواااااا تبوظ الدنيا عليكم
ربنا يستر عليك

ههههههههههههههههههههههههههههههههههههههههههههههه

ربنا يستر يا عاطف و بعدين يووووووم متعزم الاء هطفش من البيت و بعدين انا جبت لحماتي عضم

مش عارف اجيب لدي اية بقي هههههههههههههههههههههههه

هههههههههههههههههههههههههههههه

مش عارف تجيب أيه ؟

أقولك أنا

هات لها

3 كيلوا شرابات حريمى ساده

3 كيلوا كوتشى من عند باتا بتاع الجزم

بس خد بالك أوعى أوعى تخليها تشوف صوابعك

أنت حر

هههههههههههههههههههههههههههههههههههههههه

المشكله أتحلت ولا لسه

سلام.............................

هههههههههههههههههههههههههههههههه

لا يا احمد الاء مقامها اكبر من كدة بكتيييييييييييييييييير

دي اجبلها فوت بول من عند فيفا

مش كويتشات باتا

ههههههههههههههههههههههههههههههههههه

ههههههههههههههههههههههههههههههههه حلو اوى الشغل ده يا رجاله
حسبى الله ونعم الوكيل
فينك يا محمد

مش هيعمل حاجة يختي ههههههههههههههه

طبعا مش هيعمل حاجة عشان انتوا اخوته واخواتى وعارف انكوا بتهزروا معايا ده ياابنى بقوله شفت الموضوع بتاع حوار مع الاء بعد خروجها من السجن لقيت واحد بيقولى اه وفتح وصلة ضحك
اعمل ايه بتسند على حيطه مايله

حيطة مايلة ماشي يا الاء انا لويتر بقي و هروح اقول للحيطة

انت مش ليك حل يا واد والله

جااااااااامد بجد يا محمد

» الحلقة السادسة من مغامرات موني و تايجر .....
» الحلقة الأولي من مغامرات موني و تايجر
» الحلقة التانية من مغامرات موني و تايجر .....
» الحلقة التالتة من مغامرات موني و تايجر .....
» الحلقة الخامسة من مغامرات موني و تايجر!!!