انا مين

انا مين..؟
وده عنوان لمدونتى
انا مين .. هحكى فيها حكايات
مش موجوده فقصص ولا رويات
ولا هى قصه حد مات
مدونتى هتقول كل الى جوايا
وهو بردو الى جواكم

قعدت لوحدى . قفلت نور الاوضه وبفتكر كل الى عملته
عين تدمع وعين بتبتسم
لحظه حلوه ومده مره
بحاول ادارى عيوبى وافتكر مميزاتى
لقيت دايما عيوبى بتمحى مميزاتى
لقيت كل الى عليا دلوقتى كلهم عليا
لقين ناس كتير فيوم كانت معايا
قعدت فثانيه افكر ملقتش حد ورايا
لازم اعيد حسابى
لازم اصحى فوقتى
ياترى انا هقدر اكمل ولا هموت دلوقتى

افتكرت لما كنت صغير كان يدوب همى العب
بدات اكبر واتحمل عرفت امتى هتعب

افتكرت نصيحه ابويا اعمل لزمانك حساب
افتكرت وانا بدفن صاحبى فشويه تراب
افتكرت دعوه امى وانا خارج من الباب

بقول ياريت زمانى يرجع بيا ثانيه
مكنت ساعتها غلطت ومشيت فسكه تانه
لقيت قلبى بيرد ويقولى كنت هتغلط
ربك كاتب ومقدر وانت الى اختارت تغلطت

فكرت فيوم جرحت فكرت فيوم قسيت
لقيت كان كله بتمنه وانا عمرى مانسيت

فكرت فيوم ضحكت على ناس كانو معايا
بقيت دلوقتى بضحك على نفسى من جوايا
كان كلى شرى زمان دلوقتى بدفع التمن
موجود بس فى النسيان ولا انا فأنهى زمن

افتكرت لما ضحيت ونمت ويوم صحيت
لقيت نفسى بتخان ومن قلبى اختفى الامان

افتكرت لما بضحك وقلبى مليان بفرحه
يدوب تفوت ثوانى الاقى دموعى طارحه

افتكرت يوم جيت قابلت حد وحبيته
دلوقتى لو سألو ه عنى يقول خلاص نسيته

افتكرت بيت كبير وفيه ناس ولمه
لقيت دلوقتى بحلم اشوف صوره تجمعنا

افتكرت احلى صحبه كانو بيحسدونى عليها
لقيت دلوقتى نفسى هى كمان مش لاقيها

قعدت اقول وافكر احسبها بعقلى واقدر
لقيت عقلى بيقولى الى بيحسبها دايما بيخسر

طب اعمل دلوقتى ايه وفأيدى انا قد ايه
مش لاقى ياناس روحى واسمى مش لاقيه

ولسه قاعد بفكر