التحرش الجنسى قضية مسكوت عنها فى مصر

التحرش الجنسي ..قضيه مسكوت عنها في المجتمع المصري !!!


قبل اي حاجه انا هعرضلكوا بعض الحالات اللي قريتها منسوخه بالنص علي لسان بنات





أنا حائرة في امر نفسي وارجو ان تدلوني على الصواب فانا لا ادري ماذا افعل في حالة التحرش فقد حدث لي من سائق تاكسي وكنت اركب بجواره وبدا الحديث بيننا بانه لاحظ اني متدينة وكانت معه شرائط دينية قال لي انه يبيعها للخير فخجلت من رده واشتريت بمبلغ كبير فبدأ يقول لي انه معجب بتديني في هذا العصر ودخل منه الى القول باني جميلة ودعا لي بالزواج وقال لي اني من يتزوج بي محظوظ
وعندما بدا يذكر الاسباب بدات الصدمة فقد كان يقول كلاما فظيعا كان يصف به كيف يكون زوجي يستمتع بتقبيلي وهذا اقل شيء قاله وقد قال ما هو ابشع والمفاجاة اني كنت صامتة وكنت اكتفي بالإبتسام في خجل مثل البلهاء وهو يقول لي بين الحين والاخر انا مثل اخوك ويدعو لي بالزواج لا ادري لم لم اتكلم واعترض على ما يقول انا لست جبانة ولم اعتد على تضييع حقي ولكني كنت اقول لنفسي هو متدين و هو لا يعرف انه خطا ما يقول وللعلم هذا الرجل كبير ربما اكبرمن 50 وزاد على ذلك افعال مثل انه كانت سوستة بنطلونه مفتوحة وانه امسك يدي ورغم هذا كله فانا لم اعترض لا ادري لماذا فعلت هذا لماذا لم اعترض او اتكلم



تعرضت للتحرش وانا صغيرة و حاليا أنا متزوجة و لدي اربع بنات .. كيف أحمي بناتي من التحرش الجنسي و خصوصا اننا نعيش في بلد أروبي تختلف تقاليده عن تقاليد مجتمعاتنا العربية ..ماذا أفعل ؟؟

وتقول(.......) التشيلية: إنه كان يلمس شعرها ،ويجبرها على حضور اجتماعات غير ضرورية ،ويكتب إليها رسائل جنسية فاضحة. ورغم أنه لم يلمس جسدها قط، إلا أنها تقول إنها كانت تشعر بالترهيب النفسي.
وتقول: " لقد كنت عرضة لقدر لا يُصدق من التوتر. وكنت أقفز خوفا كلما رنّ جرس الهاتف لأنه خلق لديّ إحساسا بالاضطهاد. كان يأتي إلى مكتبي، وكنت أختفي في دورة المياه، وكان ينتظرني طويلا."

وتقول (.....) - 43 سنة سكرتيرة لدى مدير عام بشركة عمومية - منذ أزيد من ستة أشهر أعيش حالة قلق وتوتر دائمين بسب تصرفات مديري الدنيئة وبحكم أنني سكرتيرته الخاصة فأنا أقضي ساعات معه كل يوم في المكتب أقضيها في التفكير في اختلاق طريقة لتجنب نظراته الوقحة جداً ومحاولاته الدائمة للمسي .مما أثر سلبياً علي .فحتى عندما أدخل بيتي لا أتخلص من العصبية ، وكثيرا ما يعود ذلك سلبيا على ابنتي اللتين لا ولي لهما ولا مسئول عنهما غيري " ولعل الحاجة وضرورة العمل والمسئوليات العائلية هي التي تفرض على المرأة الخروج للعمل وتحمل ظروف قاسية .

وتقول (........) : بدأت المعاناة منذ حوالي خمس سنوات، صمدت خلالها كثيرا أمام إغراءات ومطالب رئيسي في العمل قبل أن يتحول التحرش الجنسي إلى انتقام بعد أن رفضت الاستجابة لطلباته ، فقد أصبح يتدخل في كل مرة من أجل حرماني من كل امتياز أو ترقية ، وأخذ بالضغط علي من أجل دفعي لمغادرة العمل ،بعد أن يئس من النيل مني





انا هكتفي بالحالات دي لاني للاسف لو كملت مش هيكفيني موضوع من اللي قريته بجد شيء محزن جدا التحرش الجنسي دلوقتي اصبح اكثر من ظاهره مفيش بنت او ست مبتتعرضش للتحرش سواء كلمات او ملامسات او نظرات
وعموما تعالو نبداء من الاول خالص
التحرش الجنسي :هو الايذاء بشكل عام للمراءه سواء كان مادي او نفسي مثل التحرش الشفهي كاطلاق النكات المشينه او النظرات الموحيه او ان يكون عن طريق الملامسات الجسديه ولذلك فالتحرش الجنسي يعتبر نوع من انواع ازلال المراءه واهانتها بجميع الاشكال



اسباب التحرش الجنسي:
1-غياب الوازع الديني لدي المتحرش
2-زياده نسبه البطاله بين الشباب
3-تعاطي المخدرات والمسكرات بوجه عام
4-الميل الزائد للتعري عن البنات وهذا السبب له الدور الاكبر في ظاهره التحرش الجنسي
5-الوسائل الاعلاميه وما تعرضه وتنشره القنوات والفضائيات والصحف والمجلات ايضا

وفيه سؤال مهم احب اننا نجاوب عليه
هل المتحرش مريض يحتاج للعلاج ام مجرم يتوجب علينا معاقبته؟
المتحرش من وجه نظري هو مريض ومجرم في نفس الوقت لكننا لازم نعالجه لاننا لو عاقبناه فقط هيفضل الدافع النفسي موجود عنده مش هيتغير وهيستمر ببمارسه فعل التحرش بعد انتهاء مده العقوبه يعني المفروض ان يكون فيه مؤسسات لمعالجه التحرش زي مؤسسات معالجه الادمان وكدا



طبعا للاسف الاحصائيات هتكون مغالطه جدا ومش هتكون النسب صحيحه علشان معظم البنات والستات بيخافوا يقولوا مثلا انهم تعرضوا لنوع من انواع التحرش وانا عن نفسي شوفتها كتير جدا حتي هنا علي المنتدي لو قولنا كل واحده تحكي مثلا انواع التحرش اللي حصلت معاها مفيش واحده هتقدر تقول دا والغريب كمان واللي اول مره اسمعه ان فيه تحرش داخل المنزل يعني مثلا اصدقاء او قرايب وكدا وكمان نسبته اعلي من نسبه التحرش خارج المنزل وونتيجته طبعا ان البنات او السيدات بتبقي واخده راحتها جدا بحجه انها بتبقي موجوده في البيت وللاسف الظاهره دي بتسيب اثر كبير علي المراءه خصوصا كمان انها مبتاخدش حقها وكمان ساعات مبتقدرش تثبت واقعه التحرش وكمان فيه سيدات بيخافوا انهم يفقدوا شغلهم يعني في بعض الاوقات بيكون المتحرش رب العمل فالبتالي بتخاف من خساره الشغل اللي هو مهم جدا بالنسبالها خصوصا لو كان المرتب عالي غير طبعا التحرش في العمل في نوع من انواع التحرش وهو تحرش المدرس لتلميذته فبضطر برضه انها تسكت علي انها مثلا تعيد السنه او كدا


يعني اللي اقدر اقوله ان غالبا التحرش بيكون من مدرس لتلميذته او من رب العمل للعامله عنده او رجل دين ومتعبده او طبيب وممرضه بس الاكثر انتشارا هي اللي بتحصل في مكان الشغل او العمل

امثله هذا السلوك :
--النظرات الخبيثه او الموحيه
--قول الالفاظ المشينه او الجنسيه
--النكات او القصص الجنسيه التي تحمل اكثر من معني
--لمس الجسد ودا بيتم باكثر من طريقه

ظاهره التحرش الجماعي :ودي اللي جديده اوي يعني من فتره قريبه بقينا نسمعها قريت عن ظاهره معرفش بصراحه مش متاكده من صحتها كانت في مصر من 30 ل40 واحد ماسكين بنتيتن والحكومه واقفه وشايفه الوضع وولا اكنها شايفه حاجه وكمان بتحصل في مبارايات الكوره يعني الخلاصه اننا بتلاقيها في التجمعات الكبيره

التحرش الجنسي بالاطفال :ودا اللي احزني انا شخصيا يعني دول اطفال مش فاهمين اي حاجه كل همهم انهم يلعبوا وخلاص وبصراحه انا مش شايفه اي مبرر للفعل دا يعني داهما اطفال حاجات كدا بريئه وللاسف بيتلوثوا بالافعال الحقيره دي واكيد بتاثر سلبي علي الطفل وممكن تغيرله حياته كلها

الفصل ما بين الجنسين في المدارس سيؤدي الي حل مشكله التحرش :اكيد طبعا لانه حتي في الدول الخارجيه فيه احصائيات بتقول ان فيه تفوق الطالبات علي الطلبه ودا بسبب انهم بيركزوا اكتر في متابعه الفتيات عن الانشغال بالدراسه كمان دا هخلينا نتجنب ظواهر اخري زي الزواج العرفي مثلا

عدم الاهمال للابناء لا يكفي لمواجهه ظاهره التحرش يعني فيه كتير جدا جدا مهتمين بشبابهم واولادهم سواء في الوطن العربي او خارج الوطن العربي ومع ذلك يعني عاده المتحرش مبينصرفش عن ممارسه التحرش مش بسبب الدين او الاخلاق او التربيه ولكن لانهم لا يحتاجوا الي هذا الفعل

عايزه اتكلم كمان عن الايذاء النفسي يعني بالكلام ودا انا بشوفه كتير جدا واكيد فيه مننا برضه هنا بشوفوه زي مثلا تكون بنت مش حلوه اوي او مثلا تخينه او كدا كتير جدا مبيسيبوهاش في حالها ويبدائوا يقولوا كلام مش لطيف وكانها هي السبب المباشر في شكلها العام ودا بيخلي البنت مش طايقه تنزل الشارع وممكني منعها من انها تكمل دراستها او تهتم بمستقبلها لان خلاص مبيبقاش عندها رغبه في اي حاجه


للاسف التحرش موجود دلوقتي في كل مكان في العالم مع اختلاف النسب طبعا موجود في الوطن العربي موجود في دول الغرب دا حتي كمان موجود في اسرائيل


طبعا انا خلصت موضوعي بس حابه اقول ان التحرش جريمه مشتركه ما بين المتحرش والضحيه لان في الغالب البنت بتكون لابسه ملابس مستفزه او بتستفز المتحرش بوجه عام ودا مش في الكل الحالات طبعا

كلمه للمراءه :بتتعرضي لمواقف كتير جدا وانواع كتير من التحرش بس انتي مش بتواجهيها او بمعني اصح مبتقاوميش التعدي عليكي بالعكس دا انتي بتسكتي وبتشعري بالخجل وكانك انتي الغلطانه لا انتي ملكيش زنب في اي حاجه حصلتلك يعني حاولي تحلي مشكلتك بدل من انك تسكتي يعني مثلا لو انك بتشتغلي اكيد صاحب الشغل اللي عمل فيكي كدا انك مش اول واحد حاولي تلاقي ناس زيك تعرضوا للتحرش من ننفس الشخص يعني وتعملوا تحالف صغير عشان حتي تقدري تثبتي واقعه التحرش كمان صوني نفسك وكرامتك بالحجاب دا لو انتي مش محجبه حجاب مظبوط لانك في الاخر مستفدتيش حاجه بل بالعكس خسرتي كتير وكتير اوي كمان ..الحجاب هيصونك وهيحفظك وهيحفظ كرامتك ومينفعش يبقي الحل في ايدك وتقولي انا مش عارفه اعمل ايه!!!

كلمه للمتحرش :يمكن انتا ظروفك كانت سيئه وهي اللي خليتك تتجه للاسلوب دا بس انتا لازم تقاوم والحجه اللي انتا ماسكها لنفسك وان البنت هي اللي بتضرك لكدا فانتا مش كلب مستني العضمه تترميله وفي الاخر تقول انا مالي تخيل لما تبقي اب وتشوف بنتك في موقف زي دا هيبقي وضعك عامل ازاي وبرضه يمكن الحل في ايدك وانتا مش واخد بالك اتقرب من ربنا وغض بصرك يمكن لو امتنعت عن البصبصه والبحلقه هترتاح نفسيا بس للاسف انتا فاكر انك لما تتحرش ببنات الناس هترتاح وترضي رغبه مكبوته مبتعرفش انك كدا بتزودها علي نفسك وبتتعب نفسك اكتر


واتمني اكون وصلت ليكم فكرتي بوضوح