ضيفة الأسبوع الشقية

ازيك يا لو لو يا عسل
اهلا بيك فى منتدانا

ويارب ما تزعلى منا فى كرسى الاعتراف

وعايزه اسالك شويه اسالة يا رب تكون خفيفة عليكى

1 اكتر حاجه ممكن تضيقك فى الدنيا
2 اكتر جاجة تفرحى منها
3 مواصفى شريك حياتك

هاااااااااااااااى ازيكوا
انا سعيده اوى انى على كرسى الاعتراف
ودى احلى مفجأه حصلتلى فى المنتدى

ميرسى جدا يا كاسر على استضافتك وانت بجد شخصيه محترمه جدا
بطاقتى الشخصيه

الاسم:ليلى(كفايه كدا)
السن:17
المهنه:طالبه لحين انتهاء عقد الدراسه
العنوان:ام الدنيا

انا اتشرقت بمرورك يا شمس وبشكرك على حلو كلامك

وانا مقدرش ازعل من اخواتى ابدا

1-اكتر حاجه بضايقنى لما حد يحرجنى

2-اكتر حاجه بتفرحنى لما بسعد انسان وارسم الابتسامه على وجهه

3-يكون متدين جدا ومحترم جدا وشخصيته تكون مستقله حتى لو اختلف عن شخصيات الدنيا كلها بس يكون صاحب مبادىء

ميرسى يا مازن دة نورك وانشاء الله الاسبوع يعدى على خير

1-احساسى اتفاجأ جدا لما لقيت اسمى نزل على قسم كرسى العتراف
بس كنت سعيده جدا بالمفجأه دى وحسيت انى فعلا وسط اخواتى

2-هو طبعا شىء جميل جدا بس كان فى شويه توتر علشان انا سمعت ان فى ناس اتسلخت على الكرسى هههههههههه

على فكره شكلك عسل اوى فى الصوره

ميرسى يا لولو انتى اللى نورتينى

1-مش مرتبطه وحبيت قبل كدا بس محصلش نصيب زى ما بيقولوا

2-احلى يوم فى حياتى لما نزلت مصر. اصل انا عيشت فتره كبيره فى سوريا

3-اوحش يوم فى حياتى يوم وفات خالى الله يرحمه

4-انا ممكن اكون اتجرحت بس مقدرش مسامحش

5-انا عرفت المنتدى من صفحه جوجل وشدنى له استيل المنتدى واعضاءه اللى زى العسل

مشكور جدا يا ليلى على ذوقك

انا جبتلك كام سؤال كمان يارب يكونوا خفاف عليكى

1-ايهما افضل لكى مصر أم سوريا ؟

2-ما هى راحه البال بالنسبه لكى ؟

3-ما هى طموحاتك فى الحياه ؟

1-طبعا مصر ام الدنيا وهى الافضل بس انا عيشت فتره طويله فى سوريا وكان ليا ذكريات حلوه هناك

2-راحه البال انى ابقى واثقه ومتاكده انى مبعملش حاجه غلط وعايشه بما يرضى الله

3-نفسى بجد ابقى صحفيه مشهوره والناس كلها تعرفنى

[ندعوك للتسجيل في المنتدى أو التعريف بنفسك لمعاينة هذه الصورة]

مساء الخير للجميع انا عارف انى مقصر جدا فى وجودى يا كاسر بس والله انا بعتزر ليك جدا وانا ان شاء الله ههتم بلقسم بتاعى بس بعد الامتحنات ادعولى يا جماعة ربنا يوفقنى

نرجع لموضوعنا الاصلى
اهلاااااااا بيكى ليلى فى منتدانا النتواضع

وانا زعلان جدا انى محضرتش وجودك من الاول علشان ارحب بيكى احلا ترحيب

بس ان شاء الله متعوضة يا جميل فى العيد الميلاد

نخش فى الجد بقى
السؤال الاول فى الطبيخ

اية الز اكلة بتحبيها ؟وهل تحبى المعكرونا الاسبجتى؟

كفاية كدة علشان انا جعت

السؤال التانى فى الرومنسيات

حبيتى قبل كدة و؟لو حبيتى اية البتحبية فية؟واية البتكرهية؟

السؤال التالت فى الحياة العامة

اية افضل شىء بتحبى تعملية فى حياتك اليومية؟ بتحبى تشوفى مين على الصبح؟او بتحبى تسمعى صوت مين قبل ما تنامى النوم الهادء

سلااااااااااااااااااام يا جميل
وانا بتاسف كتير بجد انى مستقبلتكيش من اول تشريفك المنتدى

سلااااااااااااام
[ندعوك للتسجيل في المنتدى أو التعريف بنفسك لمعاينة هذه الصورة]

مبد ئيا انا عا رف انى طو لت فى غيا بى عليكم بس كان غصب عنى وتانى حاجة
ان ليليو منورة المنتدى كلة ويارب دا يما الجميع يكون بخير
وبمنا سبة الكر سى الجميلدا يا ليليو لو تسمحيلى بشو ية اسئلة بسيطة
1 لو انتى بتحبى حد وجة اتقد ملك واهلك بتحججوا بحا جات فا رغة ممكن تعملة اية ؟
2 ولو كان هو شا ريكى اوى وانتى متا كدة من كدا ها تكملى معاة للا خر ولا ها تتعبى فى نص الطر يق ؟
3 واية التضحية الى ممكن تقد يمها لوة ؟
4 ممكن تتحدى اهلك وترفضى اى حد يتقد ملك حتى لو هما ضغطوا عليكى لا بعد الحدود ولا مش ها تحبى وجع الد ماغ وتستسلمى ؟
طلب اخير يا ريت تجاوبى على الا سئلة دى من قلبك ولتانى مرة منورة الكر سى يا قمر ويا رب دايما نفضل اصد قاء واخوات سلام يا حلى ناس

يااااااااااه هو انا لسه على الكرسى

كرسى الاعتراف مدته اسبوع بس انا قاعدتى طولت اوى

يارب مكونش ضيفه تقيله عليكوا

وانا اسفه على غيابى الفتره اللى فاتت علشان كنت مسافره مع اهلى سوريا

والحمد لله رجعت لام الدنيا ولاحلى اعضاء بجد وحشتونى

نبدا الاستجواب

ميدوا مشاكل

1- باين عليك جعان فعلا
عموما الاكله المفضله عندى البتزا
ههههههههههه
اه بحب المكرونا الاسبجتى

2- اه حبيت قبل كدا مره واحده واعترفت بدا قبل كدا
كنت بحب فيه احساسه الجميل نحيتى وكدا وكان بيخاف اوى عليا
بس كرهت فيه انه كان متذبذب ومتحول وكان عصبى شوى زياده

3-اكتر حاجه بحب اعملها فى حياتى اليوميه بغض النظر عن النت وكدا بحب اخرج دايما مع صحباتى خصوصا انى مشوفتهومش بقالى فتره
بحب اول ما اصحى ابوس ماما وبابا علشان هما بجد احن ناس عليا

عموما ولا يهمك كل واحد مننا له ظروفه

كيوبييد

1-لو دا حصل انا ممكن اواجه اهلى علشانه بس دا لو حب يستاهل انى اعمل كدا

2-طبعا هكمل معاه للاخر علشان اللى بيحب حد ميقدرش ابدا يسيبه والا تبقى انتهت الحياه بنسباله

3-بصراحه مش فاهمه السؤال دا

4-انا هحاول ارفضه لو مبحبوش بس لو مفيش حب بجد فى حياتى ممكن اضطر اوافق علشان خاطر مخسرش اهلى خصوصا انى فشلت فى قصه حب سابقا

انا جاوبت من قلبى بجد

اهلا يا نصر منورنى والله

1-النوم عندى له وقت والتفكير له وقته بس لما تكون فى حاجه شاغلانى مبنمش خالص

2-بيتهيقلى انا تقريبا وضحت سبب الفراق

3-لا تعليق

4-الكلام بالنسبالى مجرد وسيله للتعبير عن النفس بس انا بفضل الصمت عن الكلام حتى فى الحب احيانا الصمت بيبقى افضل من كلام كتير ممكن يتقال وكفايه ان الطرفين يبقوا فاهمين بعض وحاسين ببعض

5-تقريبا كلها صفات فيا ما عدا الصمت وقت الضيق والخوف

السؤال تلا تة يا عنى مثلا انت ممكن و طلب منك الجواز الشر عى عند ماذون بس من ورا اهللك لان مثلا المو ضوع دا بقا فى البيت مستحيل ها تو افقى وتبقى معاة ولا لا ؟

بالنسبه لسؤال كييوبيد

لا طبعا مش هتوصل لكدا خالص بس اكيد ليها حل

على فكره يا جماعه انا برشح احمد نصر على كرسى الاعتراف بعدى

وعاوزه اقول انى سعيده اوى بأستضافتى على كرسى الاعتراف

بوجه الشكر لكاسر القلوب على استضافته ليا فى كرسى الاعتراف

[ندعوك للتسجيل في المنتدى أو التعريف بنفسك لمعاينة هذه الصورة]

و انا سعيد بالترشيح ده واتمنى اكون عند حسن استضافتكم ومستعد لاى سؤال مهما كان ............