ضيف كرسى الاعتراف الشاعر احمد نصر

اقدملكم ضيف جديد على كرسى الاعتراف يارب يكون مبسوط معانا

وهو احمد نصر

وانا شخصيا شايفه انه هو شاعر فعلا

اشكرك على الكلام الجميل ده اللى اخجل تواضعى .
انا منتظر اسألتكم و اتمنى اجابتى تكون عند حسن ظنكم
انا عاشق للصراحه و كل اللى عنده سؤال مش يحرج انا جاهز لكل سؤال
مهما كان
ومنتظركم

مساء العسل يا عم نصر
اهلا بيك فى كرسى الاعتراف
منورنا ويارب نكون احنا كمان عند حسن ظنك
واسئلتنا تكون خفيفة عليك

السؤال الاول
حبيت كام مرة فى حياتك بجد

السؤال التانى
اكتر شخص بتحبة فى الدنيا

التالت
اكتر شخصية شدتك فى المنتدى

الرابع
مثلك الاعلى فى المنتدى ونفسك تكون زيه

الخامس
مثلك الاعلى فى الحياه

ويارب اكون مش مكتر عليك

ازيك يا نصر عامل ايه
طبعا انا مش هكتر عليك زى المصرى
وهسألك سؤال واحد بس
اية السر ورا الزعبوط اللى انت لابسة دا
وليه مش عايز تبين وشك

اهلا بيك يا elmasre
1- مره واحده بس
2- بنت اختى لانى شايفها اكتر شخص يتسم بالبرائه وللعلم بالشئ هى عندها سنتين وبس.
3- انا مش بتدخل المنتدى كتير بس فى شخصيه شدتنى قريب وحابب اننا نكون اصدقاء بجد وهى lilou
4- مفيش لانى معاشرتش حد اوى من المنتدى وانا مش عايز غير انى اكون نفسى .
5- هتصدقنى لو قولتلك مفيش حد معين كل واحد فينا نفسه يبقى احسن واحد بس انا عايز اعيش الحياه ببساطه لانها مرحله وهتعدى وكل واحد فينا ليه دور فى الدنيا دى مش هيخرج عنه بس يارب يكمله على اكمل وجه .
شكرا لاسألتك الجميله و منتظر المزيد

اهلا بيكى يا دلوعه
اجابتى على سؤالك هتكون غريبه شويه بس اتمنى تفهمينى السر فى حاجه بسيطه جدا انك جربى مره تغمضى عنيكى وقوليلى شايفه ايه طبعا غير الظلمه هتشوفى كل حاجه صح وبمعيارها الاساسى لانك وقتها مش بتشوفى بعنيكى انتى بتشوفى بعقلك وبقلبك جربى ومش هتخسرى وعلى فكره انا يومها كنت تعبان وحبيت انى ارتاح شويه تحت الزعبوط وده احسن مكان يرتاح فيه الانسان من هموم الدنيا مهما كان مدايق او مخنوق لانه بينسى كل الكون و بيرتاح زى الاعمى مش شايف بعنيه بس عايش باحلى احساس انا عارف ان كلامى غريب و صعب التصديق لكن الاسهل انك تجربى ده بس اهم حاجه تكونى لوحدك تمام .
و شكرا على السؤال و او عدك انى اغير صورتى عن قريب و تشوفى وشى .

نورتنى يا ماذن
بالنسبه لسؤالك الاول بص يا جميل انا عمرى ما اجى على حد الا لو جه عليا وعموما قليل لما اجى على حد لانى معظم الوقت بسامح ولو حصل منى انى جيت على حد فاكيد ضميرى مش هيسامحنى الا لما صلح الموقف اللى انا حطتيتو فيه باديا فا صعب اوى انى اجى على حد حتى لو مش يستاهل .
اما عن السؤال التانى مفيش اى حاجه ممكن تخلينى ابيع صحبى علشانها خصوصا لو كان صاحب جدع وصاحب صاحبه بجد لان الصاحب مش بيتعوض

با لمنا سبة اية الحوار الى انت اول ما دخلت المنتدى عملتة دا
افلام الر عب والعبط الى حصل دا وعا مة انا مش ناوى اسئلك عن اى حاجة بس ممكن اقولك نصيحة لو عا يز تختطف الا نظار نحيتك فى طرق احلى كتير من الا شتغالا ت الى انت عملتها سلا م يا مان

انا مش فاهم قصدك ايه قبل ما توجه الاتهام لحد ياريت تقول الموقف اللى انت بتحكى عليه وانا مش محتاج الفت الانظار ليا و شكرا على نصيحتك و على مرورك بس بعد كده لازم تعرف حاجه
ان بعض الظن اثم
وانا مش مسامحك على اتهامك ليوم القيامه و ليا رب هيجبلى حقى منك
اشوفك فى الاخره

هاااااااااااى
ازيك يا نصر
انا عندى ليك اساله كتير
1-قصه الحب اللى بتقول عليها كانت نقدر نقول عليها حب طفولى مثلا ولا عن قريب
2-ليه انت مختلف عن بقيت الناس بشكل ملحوظ
3-ياترى ممكن تيأس وتبيع مبادئك
4-ليه مازن سالك الاسئله دى مش غريبه شويه
5-ايه حكايه المشكله اللى بينك وبين عادل

على فكره انت وعدتنى تبقى صريح معايا

سلام يا جميل
ومنتظره الرد

على فكرة يا كيوبيد
انت فاهم غلط
اللى انت فصدك عليه مش نصر
فى واحد تانى هوا اللى عمل كدا غير نصر
والعضو دا موجود فى المناسبات لو عايز تشوفه
وانت اكيد حصل عندك لبس

نرجو من العضو كيوبيد الاعتذار لنصر
واستمرار الاعضاء فى باقى الاسئلة

هاى عليكم كلكم
هاى عليك يا نصر

عامل ايه فى كرسى الاعترف
بس انا عايزه انهاردة اسئلك سؤال
ايه اكتر سؤال من بين الاسئلة اللى اتسألت لك الاسبوع دا احرجة بجد
بس تجاوب من غير كذب [ندعوك للتسجيل في المنتدى أو التعريف بنفسك لمعاينة هذه الصورة]

اهلا بيكى يا lilou
انا الحمدلله واتمنى تكونى بخير
اما الاجابه على اسألتك و بصراحه تامه فهى
1- قصه الحب اللى انا بقول عليها كانت حب مش يعتبر طفولى لانه كان فى ثانويه عامه وكان حب ثلاث سنين اللى هما بتوع ثانويه عامه و كانت نهايته صعبه عليا جدا .
2- انا معرفش انا ليه مختلف عن بقيت الناس انا انسان زى بقيت الناس بس كل ما فى الامر ان الواحد مش بيتعلم ببلاش بس يمكن علشان انا بفكر فى كل حاجه وبحسب كل خطوه انا بعملها حتى لو كانت فى نظر غيرى مش تستاهل على فكره انا مقصدش انى ابقى ملفت للنظر بس انا طول عمرى كده بحب انى احسبها صح مش معنى كده انى ما وقعت فى غلطات كتير لان الانسان مش معصوم من الخطا بس لو فكرتوا فيها هتلاقو انها مرحله احنا عايشنها فى دنيا و جنه ونار فا ايه المشكله لما نفهم و نحاول نتعلم فى الدنيا كلامى كتير و مش هيخلص و الله اعلم يمكن ربك عايز كده وهو بيسبب بالاسباب الله اعلم .
3- انا عمرى ما بيأس و لا هفكر فى كده ولا ابيع مبدأى ابدا حتى لو على رقابتى .
4- لا معتقدش انها غريبه اسئله عاديه جدا و اى حد ممكن يتسأل فيها لان كل واحد فينا بيمر بتجارب فى الحياه و اكيد بيتعلم منها .
5- انا معرفش حد اسمه عادل بس لو قصدك اللى اتهمنى هنا فى الروم فانا اصلا معرفوش و لا اعرف هو بيتكلم عن ايه .
و شكرا على اسئلتك الجميله .
واتمنى المزيد

اهلا بيكى يا شمس النهار نورتينى
اما الاجابه عن سؤالك فانا حتى الآن مفيش اى سؤال احرجنى لان الموضوع مش محتاج احراج
وانا مش ملزم انى اكدب عليكى لانى زى ما قولت قبل كده انا بموت فى حاجه اسمها الصراحه .
و هى حياتى .
و شكرا على سؤالك يا قمر

على فكرة كا سر انا مش ها عتذر لحد لا نى متعو دتش انى اعتذر لحد
بس عا دى الحوار خلص ومش طا لبة كلا م فى حوار فا ضى

ميرسى جدا يا نصر
انا مش عاوزه انك تكون زعلان من حاجه
على فكره انت كنت ضيف جميل اوى على كرسى الاعتراف
وانا خلاص مش عندى اسأله تانيه على الاقل لحد دلوقتى
بس احنا لحد دلوقتى اصحاب مش اكتر
على فكره انا بعتلك هديه حلوه اوى فى الرسايل الخاصه

انت مش عايز تعتذر و انا يكفينى كاسر انه ادخل و انا هتجبرله بس مش علشانك لكن علشانه لانه راجل جدع و يستاهل الخير كله
اما انت مش يلزمنى اعتذارك لان كلامك فى الاول مفرقش معايا

شكرا على الاسبوع الجميل ده و على الاسئله الجميله و لو اقدر اختار االى هيشرفنا على كرسى الاعتراف فاكيد هختار kiobeed
ياريت تقبل الترشيح و تنورنا على كرسى الاعتراف ولا انت بتزعل من الصراحه

هااااااااااااااااااااااااااااى نصر
انا برحب بيك على مزبحة الاعتراف

وبقلك بجد انا زعلان انى مستقبلتكش فى الاول

بس والله والله ظروف انت عارف بقى الامتحانات الله يقطع سنينها السودة

بس ان شاء الله اعوضهاااا

نسال بقى

السؤال الاول /ايه اكتر حاجة مخوفاك الايام الجية؟؟؟؟؟؟؟؟؟
السؤال التانى/ايه السبب الخلاك تفصل بعد التلت سنين؟لية مكملتش؟ولا منت بتسلى بيها؟لو هى كانت بتحبك وانت الغدرت بيها طب لية؟؟؟؟

اظن ان سؤالى واضح وصريح مش عاااااااااوز كدب بليييييييييييييييييييييز رد بصراحة

سلاااااااااااااااااااااااااااااااام

[ندعوك للتسجيل في المنتدى أو التعريف بنفسك لمعاينة هذه الصورة]

اهلا بيك ميدو مشاكل و نورتنى و انا عذرك لانى فى نفس وضعك و عندى برده امتحانات و كفايه انك نورتنى .
اما الاجابه عن اسئلتك
1- خايف من الامتحانات اوى لانها اخر سنه ونفسى اخلص بنجاح وارتاح .
2- انا مفصلتش بالعكس هى فصلت لانها قالتلى انا مش بحبك تلت مرات بعد تلت سنين و لو قولتلى ايه السبب هقولك ان اصحابها وقعوا بينا و انا حاولت كتير افهمها و خليت والدتى تكلم والدتها بس محصلش نصيب .
و شكرا على مرورك يا قمر .

انا بعد ازنكم همشى من المنتدى و بعد ازنك يا كاسر ياريت تلغى الاكونت بتاعى ويا ريت محدش يسالنى ليه لانى مش هرد لانى بجد اتجرحت جرح جامد اوى وكفايه اوى لحد كدا مش عارف ليه لما الواحد بيكون صريح معاكم بتجرحوه و لما يكون كداب بتحبوا بس زى مانا قولت هى الدنيا كدا دايما ماشيه بالمقلوب و اخر كلامتى ليكم

قالها من غير عتاب قال آن الاوان نمشى من غير حساب و ننسى كل اللى كان