البرنس كابو
كاسر جامد
عدد الرسائل : 210
العمر : 36
المزاج : تمام التمام
نقاط : 484
تاريخ التسجيل : 28/11/2009
 |  موضوع: طريقة عمل الرقاق  الأحد 21 فبراير - 21:34:55 | |
| بسم الله الرحمن الرحيم
النهارده ان شاء الله هقدملكم طريقة عمل صينية الرقاق باللحمه المفرومه و هى طريقه بسيطه و سهله جدا.
المقادير:
لحم مفروم
سمن
ملح
فلفل أسود
بصله كبيره
شوربه ( بفضل شوربة اللحمه)
8 شرائح رقاق
الخطوات :
1- نحضر العصاج : نقطع البصله قطع صغيره أو نبشرها و نقلبها بملعقة سمن على النار حتى تصفر ثم نضيف اللحمه المفرومه و الملح و الفلفل و نقلب حتى تنضج اللحمه المفرومه بشكل متوسط
2- نبلل الرقاق بالشوربه .
3- نحضر صينيه مستديره و ندهنها بالسمن.
4- نبدأ فى وضع 4 رقاقات مبلله بالشوربه الواحده تلو الأخرىز
5- نضع العصاج و نفرده فوق الرقاق فى الصينيه
6- نضع بقية الرقاقات المبلله بالشوربه الواحده تلو الأخرى
7- نضع ملعقة سمن فوق الوش
8- نترك الصينيه فى فرن حامى لغاية الوش ما ياخد لون
ده كده الطريقه العاديه و البسيطه لصينية الرقاق
بس ممكن أن أحنا نغير شويه فيها للتجديد لو حبينا و التغيير ده بيكون فى العصاج يعنى ماتقلقوش من أنكوا تفننوا شويه .
بعض المقترحات:
1- ممكن أضافة زيتون أسود أو أخضر مع اللحمه المفرومه عند تحضير العصاج أو أضافة بعض شرائح الهوت دوج
2- ممكن أضافة بيضه للحمه المفرومه .
3- ممكن نغير اللحمه المفرومه خالص و نحضر مكعبات فراخ مع مشروم مع شرائح رفيعه لفلفل أصفر و أخضر و أحمر و فى الحاله ده يكون أفضل نبلل الرقاق بشوربة فراخ .
طبعا المقترحات ده للى بيحب التجديد فى أكله .
أتمنى أن الطريقه تكون سهله و تعجبكم | |
|
مودى باشا
كاسر مكسر الدنيا
عدد الرسائل : 893
العمر : 35
الموقع : https://2alb.ahlamontada.com
العمل/الترفيه : ...................
المزاج : الحمد لله
نقاط : 1194
تاريخ التسجيل : 17/05/2009
| |
