طريقة عمل لقمة القاضى

المقادير

1 معلقه كبيره خميره فوريه

1\2 كوب ماء دافئ

1\4 كوب نشا او كورن فلاور

1 كوب كبير ماء للعجن

1\2 معلقه سكر

1\2 معلقه ملح

1 معلقه زيت

1\2 كيلو دقيق


(الشربات) 2 كوب سكر علي 1 كوب ماء وبعد الغليان نعصر 1 ليمونه ونسيبه يبرد

(الطريقه )

1- الماء الدافي مع الخميره مع السكر مع الملح مع الزيت نقلبهم كويس ونغطيهم ونسيبهم يخمرو ربع ساعه
2-الدقيق مع النشا
3-نضيف الخليطين السابقين مع اضافه ميه العجن
4-نغطي الخليط ونسيبه مرة تانيه يخمر لمدة ساعه
5- نجهز زيت ونسخنه ونجيب معلقه صغيره وندهنها زيت وناخد من العجينه ونحط في الزيت
6-وبعد ما تبقي لونها دهبي نخرجها ونحطها في الشربات البارد


بس ايه رايكو مش سهله اوي يتهيالي مفيش اسهل من كده

بالف هنا وشفا

جربو وردو وقولو رايكو بصراحه علشان تشجعوني واجيبلكو طرق كتييييييييييييييييير
واي استفسار او سؤال اكتبوه وانا تحت امركو في اي سؤال عن الحلويات

مع تحياتي

تسلم ايدك يا نورا الاكلة اكيد لذيذة من غير ما نجرب
وللامام دائما