ضيف هذا الاسبوع فى المفرمه هو اندر تيكر

بسم الله الرحمن الرحيم

أتش حبيبى والله

بس أنا عاوز أقولك على حاجة صغيرة

أنا والعياذ بالله من كلمه انا زيزو الملقب بالأندرتيكر

( شعره هى التى تفصل بين الغرور والثقه بالنفس )

ده مش غرور

بس والحمد لله أخيرا حستلم المفرمه

يا جماعة أنا جاهز لاى سؤال ؟

أيا كانت نوعيته أو صيغته ؟

او فكرته ؟

و بأذن الله ربنا يقدرنى ومش حستعمل ( لا تعليق )

يارب أعنى على ما أبتليت

فيا بكل الأسئله

و انا عايزها زى المطرة و تكون سلخ

هه سلخ



سلام..........................

بص يا عم الجامد احب الاول ارحب بيك

ثانيا: اول سوال :مين البتحبها وبتحبها من امتة وبتحبها لية واية الخلاك تتعتر فيها؟

رديا عم الشديد

التانى : مين اكتر واحد انت بتكرة ولية بتكرة ونفسك تعمل فية اية؟ ومين اكتر واحد بتحبة ولية بتحبة؟

انا مش هكتر اوك

سلاااااااااام

بسم الله الرحمن الرحيم

السلام عليكم ورحمه الله وبركاته

حبيب قلبى ميدوا اللى عمال يعمل فى مشاكل

ههههه

أزيك يا واد عامل ايه ؟؟

نحل الأسئله أحسن :

السؤال الأول : مين اللى بتحبها ؟ وبتحبها من امتى ؟ وبتحبها لية ؟ واية اللى خلاك

تتعتر فيها؟


الأجابة : حبيبتى هى بالنسبه ليا قمر الليل ونجومه ورد الربيع وزهورة حبيبه قلبى

ونور عينى من جوه ( M ) بنت خالتى ... أما بقى بحبها من أمتى فأنا

يا سيدى بحبها من 3 سنين أى من أول ما دخلت أنا جامعة ومن أول ما

دخلت هى الثانوية العاميه ... و بحبها ليه لأنى لقيت فيها الأنسانه المؤدبه

التقيه واللى بتكمل نصى التانى وأنا الوقتى مستنى موافقة أو رفض حمايا

فأدعوللى بقى ... أما بقى اللى خلانى أتعتر فيها فهى بنت خالتى .

السؤال الثانى : مين اكتر واحد انت بتكرة ؟ و لية بتكرة ؟ و نفسك تعمل فية اية؟

ومين اكتر واحد بتحبة ؟ ولية بتحبة؟

الأجابه : بص يا سيدى أكتر حاجة أنا بكرهها كره العمى هى الأنتظار ... ليه لأنى

منتظر قرار مصيرى جدا جدا ذكرته فوق .... أما بقى لو شخص فهو يكون

واحد كان فى خدمه أجتماعية معانا أنا وسيموا أسمه زكريا ... أما بكرهه ليه

فدى حاجة تخص سيموا بس مقدرش أتكلم فيها... وحعمل أيه فيه (أنت

عارف ) نفس اللى عمله طيرة فى السواق هههههههههههههه

أما بقى الشخص اللى بحبه وبحبه ليه على ما أظن جاوبت عليه فوق

ويا سيدى أسأل براحتك ده لكل واحد 5 أسئله مش أتنيين........

سلام.........................

ماتريكس

معلم يا أبنى والله

شكرا على الصورة

بص يا سيدى العمل الأسود و المهبب اللى عملته فى دنيتى وربنا بيحاسبنى عليه

حاجتيين أن أنا بفوت فروض فى الصلاه و مبداومش عليها أما الحاجة التانيه فهى أنى

دخلت خدمه أه والله هههههههههههههههههه

أشطى يا صاحبى


يا أعضاء كاسر القلوب أنا جاهز للمفرمه

هاتوا ما لديكم من أسئله

سلام....................

اهلا
هوا انت على الكرسى

ازيك يا باشا

بص انا مش هسال غير سؤال واحد
الصوره بتاعتك
واسمك اللى انت داخل بيهم على المنتدى

بيمثلوا حاجه فى شخصيتك

مصرى

سعاده الباشا

منورنا والله

وحمد الله على السلامه

ويا سيدى الأسم و الصورة تعبير عن شخصية مصارع يعتبر أقوى المصارعين اللى

موجودين الوقتى على الحلبه تمام

و اللى بيعجبنى فيه أن هو رغم القوة اللى هو فيها مبجييش على الغلبان

لكن لو حد جه عليه بتبقى ليله اللى جابوه سوده

فده اللى بيعجبنى فيه عدم الأفترا على الناس رغم القوة

فهنا بقى :

اللى فى شخصيتى منه رغم أوقات القوة اللى بكون فيها ما بجيش على الغلبان

لأنه دائما :

( أذا دعتك قدرتك على ظلم الناس فتذكر قدرة الله عليك )

سلام يا مصرى

سلام...........................

من مثلك الأعلى
من صديقك المفضل
من اكتر شخص تخشاه

بسم الله الرحمن الرحيم

سيد : سيد

باشاااااااااااااااااااا

حبيب قلبى والله منورنى والله

أم هند :

الأول : مثلى الأعلى اللى نفسى أن يكون قدوة دائما أمام شباب المسلمين جميعا

ألا وهو سيدى و سيدك وسيد كل البشر

سيدنا ( محمد ابن عبد الله ) أفضل البشر و خاتم الرسل

( عليه الصلاه والسلام ) . فيارب قدرنى على أتباع سنته كامله .

الثانى : كان لى صديق فى الثانوية العامة

أسمه محمد الخواجة ( الخواجة ده أسمه ) بس الوقتى الله يرحمه

أدعوله بالرحمه والمغفرة

ده كان عندى فى مكانه كانت ممكن تتعدى أى مكانه تانية فى حياه بنى

أدم . ده لما كانت أمى تكون عايزة منى حاجة وكنت أقولها عليها لأ .

كانت تقوم متصله بيه علشان يخلينى أسمع الكلام . وفعلا أول ما يقول

على الحاجة دى أعملها كنت بعملها مش خوفا منه لكن محبتا فيه

الله يرحمه .....................

قلبت علينا المواجع . ده الجرح لسه واجع

ثالثا : أكتر واحد أخاف منه فى الدنيا ( الدنيا ) أبويا

أه والله

لأن أبويا ده مبيزعقش من اول مره يفضل يصبر يصبر وبعدين يحط عليا

وياخد بقى قديم فى جديد

يعنى ينطبق عليه المثل ( أحذر الحليم أذا غضب )

طيب جدا جدا بس لما بغضب ........ يا نهار أسود


ميرسى ليك كتيييييييييييير على المرور الكريم

ومنتظر المزيد من أسئلتك

سلام........................

بسم الله الرحمن الرحيم

أميره هانم

منورانى والله

بس والله الامثال دى موجوده فعلا مش مخترعها انا

ويعنى مش بحب الأمثال قوى كده يعنى

بس مش مشكله حجاوبك

انا الكلام اللى انا حطه قدامى وماشى بيه

( رضى الله فى رضى الوالدين . وسخطه فى سخطهم )

( أذا دعتك قدرتك على ظلم الناس . فتذكر قدره الله عليك )

( الهروب من المشاكل . لا يحلها ولا يغير واقعها )

( أسعى يا عبد وأنا أسعى معاك )

(يجب حدوث الموت . لتستمر الحياه )

( الحب مرض لا يقدر على الشفاء منه رجل أو أمرأه )

( سلام يا بلد الكلام )

هما دول اللى ماشى بيهم .....

أتمنى أنى أكون جاوبت صح ؟

تسلمللى أيدكى وتسلمى لى على أسئلتك

سلام........................

بسم الله الرحمن الرحيم

أعضاء منتدى كاسر القلوب الكرام

المفروض أن ده مفرمه

والواضح أن هو عكس كده تماما

ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سلام........................

حبيى والله يا انا يا انت يا زيييييييزززززززززززوووووووووووووووو


استلم يا زيزووو

1/حبيت كام مره فى حياتك؟

2/اسعد لحظه فى حياتك؟واتعس لحظه؟

3/ايه هى الحاجه اللى عملتها وندمت عليه انك عملتها ؟

4/نفسك فى ايه ومش عارف تعمله ؟

5/ايه هو الموقف اللى بتكره يعنى حصلك وكده ومش بتحبه؟

ازيك يا زيزو منور الكرسى والله
خد الكام سؤال دول حاجة بسيطة كده
1 ايى اكتر حاجة محيراك
2 قول رايك فيه بصراحة
3 اكبر مشكلة قابلتها كانت ايه
4 مين مغنيك المفضل
5 حد حاسس انك مفتقده

بسم الله الرحمن الرحيم

مرمر هانم

منورانى والله

الأول حمد الله على السلامة

ثانيا

أنا اللى حكسب يا مرمر مش أنتى ( المنتدى واسع )

هههههههههههههههههههه

أم هند :

الاول : حبيت كام مره فى حياتى ؟

ج : أنا يا مرمر مؤمن بالمقوله اللى بتقول أن الحب الحقيقى لا يأتى ألا مره واحده فقط

فأنا كنت حبيت زميلتى اللى فى الثانوية العامة ( كنا فى 3 ثانوى ساعتها )

مع العلم مش هى اللى معايا الوقتى واللى معايا الوقتى عارفة أن هى

مش حتيجى فى مكانه الاولى ومسلمه بكده .


الثانى : أسعد لحظه فى حياتى يوم ما نجحت فى الثانوية العامة ودخلت على أمى

وقولتلها أن انا نجحت وبست دماغها و ايدها و بست أيد ستى حسيت ساعتها

أن البيت كله راضى عنى جدا جدا وفرحتى الدنيا كلها مكنتش تسيعها

أما بقى أتعس لحظة فى حياتى هى لما أنفصلت انا والحب الأول وكانت السبب.....

الثالث : الحاجة اللى أنا عملتها ولسه لحد الوقتى ندمان عليها و بحاول أتخلص منها

وحنجح بأذن الله ( شرب السجاير )

الرابع : نفسى ومنى عينى معتش أطلب فلوس من ابويا ...........

الخامس : الموقف اللى حصللى ومش قادر أنساه وبكرهه كره العمى

( لما كنت بحب ( الأولانى) أصحابى كلهم والبيت عندى مكنوش بيطيقوها لأنها كانت

بنت مدلعة أوفر و هوائيه ( شويه برأى وبعد ثوانى برأى تانى ) فاهمة . أم هند

كنت بعمل المستحيل علشان يتقبلوا الشخصيى دى . وبدأت مع أصحابى وفن وفين

عقبال ما سلموا أن هى دى شخصيتها . و لما جه الدور على البيت حصل اللى حصل

وأنفصلنا والحمد لله على كل حال ( الله جاب الله خد الله عليه العوض ) )

على ما أظن انى جوبت عليكى أهه وبكل صراحة

مين بقى اللى كسب التانى

؟؟؟؟؟؟؟؟؟؟؟؟؟؟؟؟

ههههههههههههههههههه

سلام...........................

أستاذة شمس منورانى والله

ههههههههههههههههههههههههههه

مع الأحترام الشديد جدا جدا جدا ليكى

بس مش أنتى اللى حتخلينى اكتب لا تعليق

يا هلا يا مرحبا بالغلا

أم هند

الأول : أكتر واحد بحبه فى المنتدى ده هو محمود أشرف أو مودى باشا لأنه بتربطنى

بيه علاقة صداقة من أبتدائى ده أكتر واحد

وفى ناس تانية كتيييييييييييييييييير بعزهم جدا جدا

( سيموا . مازن . كاسر . بروكين . ميدوا . ملك الأحساس . ميموا . كيلينج

ايز . أيجى تايجر . أكس مان )


دول الرجاله

أما بقى الأنسات

( مونى . مرمر . وجه القمر .رنا )

وكل المنتدى أنا بجد بعتبرهم أخواتى .

الثانى : أكتر شخص شدتنى مواضيعة مع العلم أن هى ممكن تكون كلعبه بس بتكون

دائمة الوقت كاسر القلوب .

الثالث : العضو اللى بخاف منه لما ألاقى أسمه على أحدى مساهماتى هو العضو

الجديد لأنه بيكون لسه بيكون أنطباع أولى عن المنتدى ومن الممكن يربط

المنتدى كله برأيه فى مساهمات عضو واحد . فاهمانى .........

الرابع : أكتر واحد بكرهه ؟ لا يوجد بالمنتدى كله أحد أكرهه بس يوجد ناس فى المنتدى

بتضايق منهم ساعات ( من ردود من مساهمات ) كده بس دى أرائهم و تحترم .

الخامس : لو على المنتدى لا يوجد لأن زى ما قلت أعرف منهم ناس كتيير قبل كده

اما لو كانت من بره المنتدى يبقى خطيبتى عندها شخصية قويه جدا جدا

وخصوصا وهى بتكلم عن السجاير و أنى لازم أبطلها وبتعجبنى جدا جدا .

على ما أظن انى جاوبت على كل أسئلتك

هاتى اللى بعده

سلام.........................

ههههههههههههههههههههههههه

أهلا هو انتى تانى

يا نهار أبيض

بصى حقولك على حاجة أنتى ...............

حاجة احسن ؟

أم هند

الاول : أكتر حاجة محيرانى ؟

ج : طبعا أنتى منتظرة منى أنى اجاملك و أقولك الأجابة اللى انتى مستنياها اللى هى

أن أنا أعرف أنتى مين صح

لكن لأ اللى محيرنى فعلا أنتى عرفتى المنتدى ده منين ؟ مين اللى قالك عليه؟

الثانى : رأييى فيكى بصراحة ؟

ج : حقولك لو أنتى اللى فى دماغى تبقى أنتى بنت ذكيه و لعبتيها صح

اما بقى لو أنتى حد تانى فلأجابه العادية لسؤال زى ده أخت محترمه اتعرفت عليها

بس لسه معرفتهاش صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الثالث : أكبر مشكله قابلتها ؟

ج : أنى أزاى أقدر أقنع أصدقائى و أهل البيت عندى بحبى الاول وفعلا أقدرت بعد عناء

انى أقنع أصحابى بيها بس لما جيت علشان أقنع أهلى ملحقتش و حصل اللى

حصل و أنفصلنا .

الرابع : المغنى المفضل عندى ؟

بصى يا سيدتى :

اجنبى ( THE ONE AND ONLY THE KING OF BOP MUSIC MICHAEL JACKSON)

لا يوجد له منازع

وفيه غيره ( USHER _50 CENT_EMINEM_MASSARY_CELINE-DION )

أما العربى :

( أسطورة الغناء العربى العندليب الأسمر عبد الحليم حافظ )

مع بعض المغنيين مثل :

( تامر حسنى _ بعض الأغانى الجديده لعمرو دياب _ ساموا زين _ أيهاب توفيق _

كل الأغانى الحزينه لمصطفى كامل _ المطرب الشعبى محمود الليثى )

الخامس : هههههههههههههههههههههههههههه

هنا بقى بالذات حديكى الأجابة اللى انتى عايزاها

هما أتنين :

الأول صاحبى اللى توفى و أحنا فى الثانوى .

الثانى حبى الأول و الأخير .

أهه يا سيتى مرضيه

بس على فكرة برضه مش أنتى اللى حتخلينى أقول ( لا تعليق )

هههههههههههههههههه

سلام.............................

بسم الله الرحمن الرحيم

هههههههههههههههههههههههههههه

مازن حبيبى والله يا ابنى عامل أيه ؟

ما بتبنش ليه يا واطى

هههههههههههههههههههههههههههههههه

مش أنت يا مازن اللى حتخلينى أقول لا تعليق

هههههههههههههه

معلهش بقى يا صاحبى حخيب أملك المره دى

أم هند

الأول و الأخير :

لا يوجد بنى أدم على وجه الخليقة لا يوجد به عيوب

العيوب اللى أنا شايفها فى نفسى الأتى :

* أنا متسرع فى وضع أراء عن شخصيه البنى ادم اللى بيكلمنى . متسرع جدا جدا

* أنا من أقل حركه نقص معايا أحكم على الشخص اللى عملها معايا أن هو ندل بدون

معرف أسباب عملته دى أيه ؟؟؟؟

* لما مثلا أكون مدى لحد رأى فى مسأله وممشاش بيه و فى الأخر طلع رأييى هو

اللى صح . أروح وبدل ما أخفف عنه الصدمه . لا ده انا أروح أقوله ( أحمد قال ). بس

أنا مش شايفها عيب . أنا شايفها كعاده . عايز الناس تتعلم بس من اخطأها فلازم

الواحد يتغاظ علشان يتعلم ...............


هى دى عيوبى .............


أما بقى العيوب اللى الناس شايفاها فيا أثنان فقط لا غير :

* الأولى حكايه ( أحمد قال ) ....

* الثانيه شعرى الطويل .......................

بس أنا بتقبل كل النقد من أى حد الا حكاية الشعر لأن دى تعتبر حرية شخصية


ههههههههههههههههههههههههههه

معلشى يا مازن

هات غيرها

سلام........................................

حبيبي يا زيزو عامل اية يا ريس

يا رب تكون بخير

و مبروك علي الكرسي و منور كمان

بص يا سيدي دي شوية اسئلة كدة سهلة لحد لما ابقي اقعد و افكر


1/ اخر مرة دمعت فيها وايه السبب

2/انت كل شيء بحياتي تقولها لمين

3/كلمات بسيطة عبر بيها عن حياتك

4/ياتري راضي عن نفسك وليه

5/مستحيل انساك تقولها لمين

زيزووووووو منور كرسى الاعتراف


انا هبدا بحاجة خفيفه لان دى اول اسئله ليا

1\ لو مكنتش قابلت حبيبتك وكنت لسة مش مرتبط مين من بنات المنتدى اللى تتمناها تكون حبيبتك؟
2\مين اكتر واحد(ه)جروب الجامعه نفسك انه ميبقاش موجود من السنة الجايه؟
3\مين اكتر واحد(ه) تزعل لو خرج من الجروب السنة الجايه؟
4\اية هيكون رد فعلك لو والد حبيبتك رفضك؟
5\فاكر الاسئله اللى زعلتنى اية ردك عليها لو انا كنت سالتها لك؟



كفاية عليك كدة المرة دى

بسم الله الرحمن الرحيم

تايجر باشا منورنى والله يا قمر

بص بقى يا تايجر الصحوبية مبتشراش

ياللى أقولك تعالى متجيش هه

أم هند

الاول : أخر مره دمعت فيها كان أمبارح الصبح علشان جدى كان تعبان جدا جدا

ورحنا بيه المستشفى و كانت شغلانه . بس الحمد لله الوقتى هو كويس .

الثانى : أنت كل شيء فى حياتى أقولها للى بأذن الله حتكون خطيبتى .

الثالث : ( هى فوضى ؟ ) ( سلام يا بلد الكلام ) .

الرابع : الحمد لله لا يوجد لدى سبب لا يجعلنى راضى عن نفسى . أما ليه ؟؟؟

فده سؤال غريب جدا جدا الحمد لله أن أنا بشوف أن أنا بسمع أن أنا بتحرك

الحمد لله على كل حال . لأن الرضى عمره مكان يختص به شيء معين

بل يعمم به الكل .

الخامس مستحيل أنساك ) أقولها لثلاثه أشخاص :

* . الأول محمد الخواجة ( صاحبى اللى مات ) الله يرحمه .

* . حبى الأول ( N.E.M.H ) .

* . صديقة أتعرفت عليها السنه دى ( D.S.S.M.R ) .

على ما أظن أنت عارف أنا أقصد مين . صح ولا ايه ؟؟؟؟؟؟؟؟؟؟؟؟؟؟؟

على العموم برضة مش هقول ( لا تعليق )

هات غيرها

سلام............................