كاسر القلوب
أنا رئيس جمهورية نفسى
عدد الرسائل : 793
العمر : 35
الموقع : ام الدنيا
المزاج : الحمد لله
نقاط : 2421
تاريخ التسجيل : 29/11/2008
 |  موضوع: قصيده شعر من ترزى  السبت 17 يناير - 7:50:24 | |
| الرجل الشمال يمكن طويلة ولا اليمين قصيرة حبة
ماله البنطلون كاشش ولا الجيوب قبة
ست عيال وامهم وحماتي لوحدها سبة
يا صبر ايووووووووب
يقولك يا بخت من نام مغلوب
طب انام مرة غالب ولا الطريق مكتوب
والغلب بقي غالب
والحياة خد وهات
طبلة ونايات
ضحك واهات
تصدق بالله
الحياة فردة وفردة
هي الرجل الشمال طويلة ولا اليمين قصيرة حبه
اهو قدر مكتوب ومحدش بيستخبي
اهم حاجة تعيش مرتاح
كان ليا واحد صاحبي اسمه عبد الفتاح
عاش اربعين سنة نايم ولما صحي مات
والناس تقولك بص لادام
وكل ما بص لادام الاقي ادام ورا
ههه والله البنطلون دة مسخرة
تصدق الرجل الشمال طويلة واليمين قصيرة
علي كل احسن حاجة تعيش حياتك زي الحمار
مربوط في ساقية وسايبها للاقدار
ولا تتعب نفسك ولا تحتار
كان ليا واحد صاحبي اسمه عبد الستار
باع قيراطين الارض واشتري دار
حبة وباع الدار واشتري ارض
ولا مشيت معاه لا بطول ولا بعرض
مسكين يا عبد الستار
يالله اهو باع الدار والارض وغار
ههههههههه
يا راجل اضحك بلا هم
بلا خوتة وحرقة دم
طب وديني الضحك اهم
لا بجد الشمال طويلة واليمين قصيرة
ياللا مش فارقة ماهي حياتنا كلها متغيرة
يا سيدي انسي ماتفتكرش
دا كيلو اللحمة كان بخمسين قرش
وكان يملا العين قبل الكرش
والحياة كدة كان فيها بركة
والدنيا كات هيصة وحركة
يا خويا هو ايه اللي حصل
زرعنا قمح طلع بصل
هيا الحياة طالعه بينا ولا نازلة
جد معانا ولا هازلة
دة الواد صبحي النقاش
كان ضاربها بوية وعايش ببلاش
وكان يقولك ساعه الحظ ما تستناش
اروح ازوره من يومين الاقيه في الانعاش
صحيح الدنيا صغيرة
والدليل علي كدة
ان الرجل الشمال طويلة واليمين قصيرة
تعرف اهم لحظة في حياتك
هيا لحظة وفاتك
ساعتها طظ في اللي فاتك
وطظ في حماتك
وطظ حتي في ذكرياتك
وساعتها الكل هيفتكرك بالخير
ويقولوا كان طيب ...كان امير
لأ وهتاخد لقب مرحوم
ساعة موتك بس بقيت مرحوم
يعني ضهر حياتك هو وشها
وغروب حياتك هو فجرها
دنيا غريبة
العاقل فيها هو الوحيد اللي مجنون
زي رجل البنطلون
فردة وفردة
يوم دافية ويوم باردة
دايما متغيرة
تصدق ان اليمين هي اللي طويلة والشمال قصيرة
فين الردود | |
|
الشبح
كاسر جديد
عدد الرسائل : 46
العمر : 41
نقاط : 8
تاريخ التسجيل : 28/12/2008
| | موضوع: رد: قصيده شعر من ترزى السبت 24 يناير - 2:08:32 | |
| دا مش بيفصل هدوم دا بيفصل كلام | |
|
elmasre
كاسر نشيط
عدد الرسائل : 199
العمر : 37
نقاط : 145
تاريخ التسجيل : 24/01/2009
| | موضوع: رد: قصيده شعر من ترزى الأحد 1 فبراير - 22:33:23 | |
| بس متنكرش انها حلوه يا شبح
وتسلم ايدك يااكاسر | |
|
broken heart
مشرف أخبار رياضيه
عدد الرسائل : 105
العمر : 35
الموقع : بلد المجروحين
العمل/الترفيه : عاطل
المزاج : زفت واتران
نقاط : 162
تاريخ التسجيل : 01/06/2009
| | موضوع: رد: قصيده شعر من ترزى الأحد 21 يونيو - 2:18:08 | |
| | |
|
THE UNDERTAKER (R.I.P)1
مراقب عام
عدد الرسائل : 1201
العمر : 35
الموقع : فى أجمل مكان بيجمع ما بين أثنين
العمل/الترفيه : هه من هنا ورايح أنا والدنيا حنلعب مع بعض
المزاج : عايش الدنيا غلبتنى وغلبتها والأيام دول
نقاط : 1271
تاريخ التسجيل : 09/06/2009
| | موضوع: رد: قصيده شعر من ترزى الأربعاء 24 يونيو - 20:42:49 | |
| جامده كييييييييييييييييييييك
والله ميه ميه تمام يا معلم
بس يعنى هى الرجل القصيرة دى مش ناويه تتطول شويه ولا ايه
سلام........................ | |
|
