كلام اليومين دول من شباب اليومين دول

يبدأ يوم الشباب عندما تتجمع (( العصابة ))
يعنى الشلة كل (( مورنينج )) عند (( ناصية الرمش )) وهى عبارة عن مكان تتوافد إليه مجموعة من بنات النادى أو الجامعة معظمهم بنات (( إستبن )) يعنى غير أصحابهم الآساسيين وكل بنت لها المصطلح الخاص بها

يعنى لو البنت حلوه يطلق عليها (( أوكشة )) (( فى الزيف )) يعنى فى الجون

ولو لابسة جزمة كعب عالى (( ألآستوك بيتوك )) أو
حتة (( شامبو )) يعنى ريحتها حلوة ومستحمية !!!

ولو البنت صغيرة يطلق عليها (( أووزى ))

ولو كانت البنت الاجمل فى الشلة يطلق عليها (( النتفة ))

أما لو كانت قبيحة الشكل تبقى
(( صندل مقطوع أو ضاربها طبنجة ))

ولو البنت تخينة تكون (( اتوبيس ))

ولو كانت غير متناسقة القوام او الملامح تسمى
(( سلعووه ))

ولو كانت لعوباً يطلق عليها (( هشكة ))

ولو كانت مرتبطة تبقى (( أوفسايد )) أو (( متشفرة)) والكارت بتاعها مع فلان !!!

ولو كانــت البنت سمـراء البشرة تسمى (( ضالمة من قارة افريقيا )) أو (( مزرقة ))

ولو كانت بنت من مكان شعبى تسمــى (( بيئة ))....

وعندما ترفض البنت المعاكسة تقول لمن يعاكسها ( يا خفة .. اية التهزير دة ... روح لمامتك يا بيبى ))

وممكن الحكاية تكون فى السليم وتقلب صحوبية وتقول للولد (( خلينا فى الفيوتشر )) ...

ولو الولد زهق (( اتخنق )) من البنت أو العكس يقولها (( سمعينى بودعك )) أو (( حديها الدبلة )) ....

وعندما تريد البنت معرفة رأى أصحابها فى (( البوى فريند )) بتاعها تعطية ميعاداً وتطلب من صديقاتها رأيهم بدون أن يعرف
(( الموكوس )) الغلبان .... خدوا بالكم يا شباب من المصطلحات اللى جاية دية للأهمية القصوى عندما تقول لها صديقتها انك
(( تاكسى )) يعنى انت لافف وداير وبتاع بنات ..
ولو قالت (( سكامونى )) يعنى جميل و أمور ...
(( ملسكوبيتش )) يعنى بخيل ...
(( شامورتى )) يعنى خنييق ..

(( توت فروت )) مظهرجى ...
(( خفشاوى )) غير واضح وهايف ...
(( شنيش )) يعنى لامؤخذة هفأ .. !!!

ولو الولد تعبان فى المذاكرة يعنى
(( جايب جاز والشراب هوى ومتخرتق )) !!!

وأكثر مصطلحات متداولة هذة الايام

(( العب باشكا )) يعنى العب على المكشوف !!

(( حطيت إيدى على البلف )) يعنى فهمت الموضوع !!!

(( أدعك الفانوس دلوقتى )) يعنى ممكن تمشى وترحل !!!

(( أرحلك )) أخرجك من الشلة !!

(( الجوند )) فلوس !!

(( مكيش القفف )) معاه فلوس كتير !!

(( يا صباح المظلات )) للمتقدمين للكليات العسكرية !!

(( فهمـى )) يعنى نفض وكبر الجمجمة !!!

(( أحلق )) طنش !!!

(( انت حتزاولنى )) انت حتشتغلنى !!!

(( مهييس )) عامل دماغ وطاير قووى !!!

(( يا صباح اللى بتغنى )) صباح الخير !!

(( يا مساء الليل )) يعنى يا مساء الخير !!!

(( فوكك )) سيبك من الموضوع دة !!!

(( أراك أمس )) يعنى مش عايز اشوفك تانى !!!

(( أحنا عيال قادرة وكفأة .. ودكتوراة فى الحداقة )) يعنى احنا شباب 100 / 100 !!!

(( كل معرفتى بيه .. هاى باى )) يعنى مش صاحبى قوى !!!

(( شوليطى . موليطى )) يعنى مش معايا فلووس .. مفلس !!

ومن مصطلحات الاغانى المنتشرة بكثرة هذة الايام الاتى :

(( انا رايح ألعب مع روبى )) يعنى انا رايح الجيم !!!

(( تعالوا نحصل ماريا )) تعالوا نلعب شوية !!

(( انت بتقلد روبى ؟ )) يعنى بتخبى وبتدارى !!

(( أنت كدة تعجب بوسى سمير )) يعنى انت حطيت النقط على الحرووف

ايه رأيكم

فعلا والله كل الكلام دا بنسمعه كل يوم
شكرا على الموضوع

كلام جميل اوى عنك حق يا سفير
وهوا دا اللى بنقوله كل يوم
مش عارفين ياترى الكلام دا سلبى ولا ايجابى

على فكره الجزء اللى تحت تمام وأشطى وبيس

أما الجزء اللى فوق ده معقد شويتيين

بس جامد فحت والله

تماس يا ريس

سلاموززززززززز...............

اشطة وبيس وكله فى الذيذ

الموضوع جامد بجد تسلم يا مان

[b][i] Shocked

شكرا كاسر القلوب

كلام بنسمعه كل يوم وفى اى مكان الجامعه النادى الشارع حتى على القهاوى

والله شكلنا بعد كدة هنتكلم لوغاريتمات

اشطه اكاسر خلى الشعب يعيش يعنى ابسط الناس كمان وكمان

ههههههههههههههههههههههههه

والله أحنا عالم بتوع الكلام

اللى عايز يتعلم كلام ييجى يتعلم من عندنا

أضمن له أن هو حيجييب أمتياز فى الكلام

سلام........................

تسلم يا كاسر والله كفاءه

Smile

شكرا يا كاسر على الموضوع الجميل

بس انت مش حاطط الكلام كله ليه ده فى كلام كتير انت ناسيه والله

زى يا برنس

ويا باشا

واشطه يعنى

وتمماموز

وياغالى

وفى كتير

وده ذى ما قال اندر دى بلد بتاعت كلام والى احنا كلنا من البلد دى

ومشكور على الموضوع

I love you

بلاش أنت بالذات هه

أنت فاهم

سلام......................

جميل بجد يا كاسر

سلمت يمينك

كلام بيتكرر كتير

كل يوم

هههههههههههههههههه

ماشى يا ميموا

سلام........................

» كلام شباب روش
» شباب فى تيار الجراح
» كلام من القلب
» كلام فى الحب
» كلام عن الفراق