الحلقه التانيه من يوميات فتكات وبعد المتجلى

الحلقة التانية
(من يوم ما الست ام فتكات عرفت بمعاد الخطوبة والبيت بقى فى حالة طوارىء خبط ورزع وتنفيض ويوم الخميس البيت بقى ولا بيت المحافظ وجاهز لاستقبال الفارس الهمام عبد المتجلى )

اوضة فتكات.......لوووووووووووى لووووووووى وبنات العيلة بيغنوا ماتزوقينى ياماما قوام ياماما ده عبد متجلى بره وجايب الشكمان ياماما
فتكاتاوووووووف عيال رخمة ربنا ياخدهم )وعشرة واقفين يزوقوا فيها وهى ضربة الوش الخشب ومش طايقة دبان وشها
فى نفس الوقت كان عبد المتجلى والست والدته طالعين على السلم وماسك ايد والدته الست بهية
الست بهية:بشويش يا بنى مفاصلى بتنقح عليا
عبد المتجلى:يلا بقى يا أما عاوز اشوف فتكات
(كان الاستاذ برعى جار والد فتكات نازل بالصدفة وبص لعبد المتجلى بحسرة وقاله:ان لله وانا اليه راجعون مبروك يا عريس ربنا يتولاك برحمته يا بنى
الست بهية:وشوشت عبده وقالتله سيبك منه ده شكله مجنون الراجل ده شوف شعره منكوش ازاى ومتعور
عبد المتجلى :الراجل ده خضنى هو يقصد ايه
الست بهية :كل خير يا ضنايا ماتخفش
عبد المتجلى ظبط القميص ورفع البنطلون ومسك علبة الجاتوه اللوكس اللى جايبهامعاه وضرب جرس الباب (غلطة عمرك يا عبده)
الست بهية:تبصله وتضحك اسم الله عليك يا حبيبى شبه المرحوم ابوك الخالق الناطق فينك يا شلبى تشوف ابنك وهو بيخطب
الامتفتح الباب وفرحانة على الاخر)اهلا اهلا اتفضلوا
الاب:اهلا وسهلا اتفضلوا ويسلم على عبده ويدخلهم الصالون
الامدخلت عند فتكات الاوضة)يلا يا حبيبتى عريسك وصل هاتى العصير وتعالى بشويش وافردى بوزك شوية
فتكات:الهى كان وقع من على السلم هو وامه وجالهم ارتجاج وريحونا بقى
الام:عيب يا بت ده الواد فلقة قمر يا خيبة وطول بعرض وشنبه يقف عليه الصقر
فتكات:صقر لما يخرم نفوخه وكمان بشنب يادى القرف عاملى فيها الملك فاروق
الام:يلا بطلى طولة لسان وشهلى اخرجى بطل ما ابوكى يتنقط منك كفاية اللى طفشتيهم قبل كده بعاميلك السودا
(ام فتكات تسبقها على الصالون وترحب بالضيوف )
الام:اهلا اهلا منورة يا ست بهية
ست بهية:بنورك يا ام فتكات
(عبد المتجلى مكسوف وعامل عريس ووشه جايب الوان الطيف)
الابهو الواد ده اخرس ولا ايه)وقام رزعه بايده على كتفه منور يا اسطى عبده
عبد المتجلى:الله يخليك يا عمى
الابالواد مؤدب واخلاق والله خسارة فى المدفع الرشاش اللى هيهل علينا دلوقتى)
ست بهية:أمال فين ست العرايس؟
الام:جاية حالا يا حبيبتى(يا فتكات تعالى سلمى على الضيوف)
(تدخل فتكات وماسك صينية العصير وعاملة فيها نسمة وسى عبد المتجلى رافع نص عينه وبيبص على فتاة احلامه اللى هتقلبهاله كوابيس باذن الله)
فتكات:سلام عليكم (وقعدت من غير ما تقدم العصير
وامها قاعدة تبصلها عشان تتحرك وتقدمه ولا حياة لمن تنادى)
الست يا عينى قامت وقدمته ودارت الموقف بس كان هاين عليها تقعد على فتكات تبططها من كتر غيظها وهى موصياها تقدم لحماتها الاول وبعدين العريس
الاب:سلمى على خالتك ام عبد المتجلى يا فتوكة
فتكاتالهى يسلم عليها قطر هى والمحروس ابنها واخلص منهم) أزيك يا طنط وبتضحك ضحكة صفرا طبعا
ست بهية:الله يسلمك يا مرات ابنى يا غالية
ايه رأيك فى عروستك يا عبودى
عبد المتجلى:ماصدق طبعا وبص لفتكات وهى مودية وشها الناحية التانية ومش طيقة تبصله وقال ماشاء الله يا امى
فتكاتالله ياخدك انتا وامك يا شيخ)
ست بهية: ها يا حج متولى طلباتك انتو تأمروا
الاب:الامر لله يا ست بهية احنا بنشترى راجل
(الاستاذ متولى والست بهية وعبد المتجلى مركزين فى تفاصيل الجواز وفتكات قاعدة مخنوقة وحالفة تطفشهم)
فتكات:بصت لعبد المتجلى لاول مرة من اول القاعدة (ايه ده يخرب بيت سنينك ده طلع قمر )
ونزلت عينها وبعد تفكير عميق قررت تدى عبد المتجلى فرصة أما لاقته امور كده
الاب:ها يا فتكات ايه رأيك يابنتى نقرا الفتحة(وهو حاطط ايده على قلبه خايف تعمل اى مصيبة زى عوايدها)
فتكات:اللى تشوفه يا بابا (يلا مع ان شنبه بيفكرنى بهولاكو زعيم التتار)
ست بهية:مبروك يا ولاد وقروا الفاتحة
(لوووووووووى لوووووووووى)وام عبد المتجلى قعدت تعيط
ست بهية:اهىءاهىءاهىءاهىء فينك يا ابو عبده تفرح معانا
فتكاتالولية النكد دى مش هتنفع معايا)اجيبلها سى السيد بتاعها ده منين دلوقتى
عبد المتجلى:روقى بقى يا حجة زمانه حاسس بينا دلوقتى
فتكاتزمانه مرتاح من امك النكدية دى والله)
(معلش يا جماعة اصل فتكات مش نكدية خااااااااااااااااالص وهتشوفوا بعدين )
الاب:يلا بقى يا جماعة الغدا جاهز وخلونا نفرح بقى بخطوبة الولاد
(وبعد الغدا مشى عبد المتجلى ووالدته وهو فى منتهى الانشكاح ما هو مش عارف اللى هيجراله ولو عرف هيتمنى يروح هو لابوه شلبى بتاع المراجيح)

(اوعوا تنسوا انتو معزومين على الشبكة وربنا يهنى فتكات بعبد المتجلى)

ههههههههههههههههههههه
جامدة يا مرمر والله
هيه كام حلقة
بس احلى حاجة ان مفيش اعلانات فى النص