ارجوكم الرد ( كيف يكون النسيان)

لقيت قلبي في يوم تعبان وبيعاني
صحيت مفزوع من النوم وحسيت جواه بدقه وجعاني
بس رجعت تاني انام ولا كاْن في حاجه اّلماني
وكل يوم التعب يزيد وانا عامل مش واخد بالي

وفي يوم سمعت دقه بتنادي عليا وتصرخ وتلالي
بتقولي الحقني بسرعه تعالالي

وديني عن طبيب يدور عليا ويلقاني
ارحمني وارحم نفسك من تعب الليالي

انت مش حاسس بلي جوه في قلبك هنا
الجرح في كل مكان والاه دي خارجه مننا

اّهات خارجه من كل دقه في قلبك
بس كلهم ساكتين مش راضين يزودوا في همك

لكن انا فاض بيا خلاص
الحقني وداويني انا بجد بموت
قلبك قرب يموت فيه الاحساس
الحق قلبك قبل ما يملاه السكوت

قولت خلاص مبدهاش
اروح لطبيب قبل قلبي ما يروح بلاش

روحت لطبيب وقولتله قلبي تعبان اووووووي
اصل كان له حبيب قسي عليه وجرحه بالقوي
ظلمه وكسره وخلاه ينحني

قالي طيب نام هناك وخد نفس جامد
قالي تاني وتاني وتالت

حسيت بالقلق ملى عنيه
قولتله هو في مشكله ولا ايه؟!!!!!!!
قالي استني اما اكشف تاني عليه

قالي ياابنى انت قلبك محتاج انعاش
ازاي كل الجروح دي فيه ورغم كل ده عاش

دا لازم نعمل عمليه بسرعه ونداوي الي نقدر عليه
بس نجاح العمليه مش مضمون دا الجرح مالي كل شبر فيه

خدت الكلام وانا مستغرب ليه كل ده!!!!!!!!!!
معقول انا قلبي خلاص بقت حالته كده

لقيت قلبي بيبكي جوايا
قولتله مالك انت تعبان خلاص كفايا

قالي
للدرجه دي جراحنا وصلتنا لطبيب
وانت جاي يداويك من جرح الحبيب
وتطلب منه دوا علشان اطيب
الحبيب الي كان بعده عني بيخلي دقاتي تغيب
الحبيب الي كان بيمسح دموعنا وفحضنه جراحنا بتطيب

هو نفسه الي قسوته وصلتنا لهنا
هو الي هنت يتعبني ويجرحني ويكسرني انا

هو الي علشانه جيت لطبيب تقوله الحقني دقات قلبي مبتمشيش
واحتمال نلاقي علاج او منلقيش

معقوله هو دا الي قلنا عليه
هو دا الي ياما وعدنا بيه
هو دا الحب الي مبيتنسيش
هو دا الي فحضنه ياما اتمنيت اعيش
هو دا الي ياما قالي لو الدنيا وقفت قدامنا ميهمكيش

اسكت بئى متبكيش
انا جاي هنا علشان اداويك ولسه في امل انك تعيش

لقيت قلبي سكت

سالته انت خايف؟؟؟؟

قالي وهخاف ليه بعده ملناش حد خلاص
صعب نعيش حياتنا من غير احساس
من غير حب وحنيه وامان واخلاص

طيب واعمل ايه انا عملت الي عليه؟؟!!!!!
خلاص ولا يهمك حوالينا ناس كتير بيحبونا اكيد هنلاقي منهم حنيه

ومين عارف يمكن نبقى احسن من الاول
وننساه ننسى جرحه الي جوانا طول
ونلاقي الي يطيب الجرح ويهون

رجع الطبيب استعدي ومتخفيش لسه فيه امل
معلش دا نصيبك وهو ايه بس العمل

ادعولي انا وقلبي نفضل عايشين
ونخف ونرجع نعيش تاني زي البني ادمين