ياساتر استر ع اللى حصل لمرمر
فيوم وانا ماشى قابلت واحدة
حسيت انى اعرفها
راجعت نفسى هى ولا مش هى اللى اعرفها بيضة وحلوة
لكن ديا سودة ووحشة قوليت ياريت ماتكونش هى قربت منها قالتلى ازيك يانهار اسود طلعت هى
ادارت بينا الجمل ديا
ازيك يا عاطف
اهلا اهلا ازيك انتى
مالك يابنى مش عارفنى
عيب ازاى طبعا عارفك
انا مرمر
مانا عارف وياريتنى ماعرفت
لية ياعاطف
كانت مرمر بنت جميلة لكن انتى الباقى منها
ولما سألت عرفت حكايتها
مرمر بنت مجتهدة وبتذاكر
كتر الدروس لحس نافوخها
خلاها تاكل ورق الكتب زى المعيز
لية يابنتى بتعملى كدة
قالت انا اتعودت خلاص على كدة
اجيب الكتب كلها احطها ادامى اقعد اقرها احس اننا بقرا
مش فاهمه حاجة والكلام مكلكع
يارتنى قعدت ف بيتنا يمكن ف المطبخ كنت انفع
اروح الدرس الاستاذ يزعق عملتى الواجب لا ماعملتش
يقوم يزعق وم الدرس طاردنى
لو روحت ابويا يضربنى
اقوم انا راحة امشى شوية
اشوف العيال الهبلة ديا
صاحبتى اخدتنى وروحنا السيما
وكان ف عيال شكلها بريمة
واحد قال يا حلو ياسمررد علينا
صاحبتى ردت الله يحنن
راح الواد مخة اتجنن
طلعنا مشينا مشى ورانا
روحت البيت ياريتنى ماروحت
امى بتغسل وعاوزانى اغسل
وشوية ويلا ادخلى ع المطبخ
هو انا ناقصة اغسل واطبخ
سيبت البيت ونزلت مشيت
قبلت ف وشى الواد وليد
فين راحة قالى
اديتة بالآيد
عية اتخرمت قولت دا عيد
خلاص يامرمر كفاية عليا
قالت استنا لسة شوية
حرام عليمى منك تعبت
انا هامشى وهاسيبها تلت
روحت اسأل عليها ف دروسها
استاذقالى مش بتذاكر والتانى قال بتيجى تنام
سألت مامتها ردت قالت
والنبى ياخويا قاعدة وبس
حاطة الكتب حواليه رص
كل شوية تقوم تبص
واللى يشوفها يقول بتذاكر
وهى كدة مابتعرفش
ووشها اسود وبقت وحشة
من العميلها النيلة الوحشة
قولتلها سلام ياريتنى ماعرفت
البت اتهبلت يانهار زفت
كل دا من الدروس
والثانوية العامة
ربنا يستر عليكى يامرمر
وتعدى منها على خير
موضوع: مرمر والدروس الخصوصية 
الأربعاء 16 سبتمبر - 15:31:32
