عوده مره أخرى ... مع ضحيتنا الجديده ؟؟؟

احمد باشا منورني و الله

ماشي يا سيدي و انا مستعد لأي سؤال

الله واحد :

لو حصل يعنى و كنت كرهت أمنيه فى يوم من الأيام ... كان أيه السبب ؟؟؟

عمري في حياتي مكرهت امنية و عمري في حياتي مهكرها لسبب من الأسباب حتي لو عملت اية لأن الي بيحب عمرة ميكره

ليس له ثان : أحسن يوم قضيته فى مجمع الأيمان ؟؟ و أوحش يوم ؟؟؟

احسن يوم :-
اوحش يوم :- يوم شكلة الشربيني

العدد ثلاثه : بص أمشى معايا للأخر

لو كنت أنت واحد تانى غير محمد السعيد

تمام

و كمان مكنش فيه واحده أسمها أمنيه فى حياتك

بس أنت واحد معانا فى الشله

و حطينا الأختيارات دى

( مرمر + بنات شله الجامعة كلهم فيما عدا أمنيه )

و قولتلك أختار منهم شريكه حياتك

حتختار مييييييين و ليه ؟؟؟؟؟؟؟؟؟؟؟؟؟؟؟

رد بقى

و بعيدا عن مرمر كمان لأنها اختي و انا عمري مهنفع اختارها
و بعيدا عن الاء كمان علشان محمد هشام

بقيت الشلة بقي عمري مكنت هرتبط بحد فيهم نهائي

يا بركه الأربعه : أكتر حاجة أنا عملتها و خنقتك منى ؟؟؟؟

في يوم كنا في المجمع و كنت انا متشاكل مع حد من السكيرتاريا و نزلت قعدت تحت و لقيتك نازل ورايا و عايز تعرف اية الشبب قولتلك يا احمد سيبني دلوقتي راسك و الف سيف لازم تعرف اتخنقت منك و سيبتك ساعتها و مشيت

عدد الفروض الخمسه : بما أننا فى رمضان

ده أذا كان فى شخص كنت كارهه كره العمى و ناويت تصالحه

أنا مش عايز أعرف مين الشخص ده

أنا اللى عايز أعرفه الموقف اللى عمله معاك وخلاك تكرهه ؟؟؟؟؟؟

اولا انا مش بكره حد و انت عارف كدة كويس

ثانيا انا ممكن اكون زعلان من حد اه و شايل منة لاكن مش كارهه

و السبب ان انا مش بحب حد ميقضرنيش يعني مثلا ابقي انا واقف جنبك في الحلوة و المرة و اجي يوم محتاجك جنبي ملقاش و تيجي تقولي ظروف
و ظروف اساسا ملهاش دعوة خالص انة يجي و يسأل علية خالص


بس يا سيدي و انا مستني بقيت الأسئلة

هههههههههههههههههههههههههه

حبيبي يا احمد

مفيش يوم محدد يا احمد لأن الأيام كانت كلها حلوة و الله و بالذات ايام رمضان كانت جامدة لما كنا بنروح علي الفطار بالظبط او ساعات الأذان بيأذن علينا و احنا ماشيين

و انا في الحالة دي هختار مرمر

شوفت جيت بسرعه متاخرتش

المهم:

1_3اشخاصفى حياتك(واحد بتحبه جدا_التانى بتحترمه جدا_الثالث غير حياتك بايجاب او بالسلب) ياترى مين دول؟

2_ امتى حسيت بالوحده وان الدنيا فضيت من حواليك مع ان حواليك ناس كتير؟

3_صف نفسك فى كلمتين فقط لا غير ؟

4_لحظه مريت بيها وتتمنى ان الزمن يوقف عندها؟


5_كلمه نفسك تقولها ومش لقيت الفرصه ايه هيه؟ولمين؟

سلاااااااااااااااااام

هرجعلك تانى يا روحى

اهلا اهلا يا موني يا حياتي منوراني و الله

_3اشخاصفى حياتك(واحد بتحبه جدا_التانى بتحترمه جدا_الثالث غير حياتك بايجاب او بالسلب) ياترى مين دول؟

1-انتي يا موني
2-عاطف
3-انتي بردو بس بالإيجاب طبعا


2_ امتى حسيت بالوحده وان الدنيا فضيت من حواليك مع ان حواليك ناس كتير؟

يوم مجدتي ماتت

3_صف نفسك فى كلمتين فقط لا غير ؟

انسان عادي

4_لحظه مريت بيها وتتمنى ان الزمن يوقف عندها؟

لحظو منجحت في استار اكاديمي و هما بيبلغوني النتيجة في الفون

5_كلمه نفسك تقولها ومش لقيت الفرصه ايه هيه؟ولمين؟

مفيش ههههههههههه

اهلا اهلا ياختي منوراني


1-فاكر موضوع الشربه ........احكيه لازم المستخبى يبان ههههههههههههههههه

الموضوع و ما فية ان كنت انا و ناس اصحابي معزومين عند واحد صاحبنا و صاحبنا دة قدملنا اكل و كان في الأكل شوربة فجينا نشرب الشوربة لقيناها وحشة قوي فقولنالة قوم جبلنا مية هوة راح يجيب المية من هنا و كل واحد فينا عمل اتفو في طبق الشربة و اول لما رجع اتراهنا معاه انة يشرب طبق الشربة دة و قام اخينا دة شارب طبق الشربة علي بق واحد ..... بس يا ستي دي الحكاية

2-اغنية بتهديها لامنيه واغنية بتحس انها بتعبر عنك

اغنية وائل كافوري .... لو حبنا غلطة اتركنا غالطانين

3-اكتر مرة زعلت من باباك فيها

المرة الي احنا فيها دي

4-لو عرفت ان منى اختك بتحب ولد معاها من المدرسة هتعمل ايه

هههههههههههههههههههههههههههههه
كلة لعب عيال مش هعمل حاجة هقولها عيب و افهما الصح

5-مين الحد اللى لما تكون زعلان بتشكى له

مش بحكي لحد لما بكون زعلان لأني لما بكون زعلان ببقي مش عايز اكلم حد اساسا و لما بهدي بروح اكلم اي حد مش شرط حد معين




و مستني بقيت الأسئلة ياختي و متتحججيش بالصيام

هاى ازيك يا تيجر عامل ايه

انا عندى سؤال واحد بس

ايه الحاجه اللى لو اتحققت فى حياتك مش هيبقى نفسك فى حاجه تانيه

ملحوظه :القوانين بتقول زى ما انا قريت انا اخر عضو هو اللى بيرشح العضو اللى بعده وانا شايغه ان اندر اهمل الكلام دة خالص

وبقاله فتره بيرشح ناس كده وخلاص من دماغه من غير ما يطبق قانون الترشيح

انا الحمد لله يا lilou

و منورتني في الكرسي كمان

احمد بيشرح بصفتة ادمن هنا في السايت فلازم يوضح كل حاجة بتحصل


ايه الحاجه اللى لو اتحققت فى حياتك مش هيبقى نفسك فى حاجه تانيه

ان امنية تبقي هية قسمتي و نصيبي من الدنيا

لا يا ليلى زيزو بيبعت للى على الكرسى رساله بيساله عن العضو اللى عايز يحطه بعده مش بيحط حد من دماغه
ياريت تكونى فهمتى قصدى


الحج تيجر خد عندك
1-اوصف احساسك لما دخلت العمليات بالظبط
2-انت فعلا بتفطر بجد
3-لو تحب تتجوز ممثله هتختار مين
4-سبب اخر خناقه بينك وبين باباك
5-سوالين ماجاوبتش عليهم قبل كده
ميزه وعيب فى ا خالد
اغنية لما بتسمعها بتحس انها بتعبر عنك

اساله خفيفه كده على ما اقدر امخمخ لك اه لو كنت وقعت وانا فى كامل صحتى كنت كحرتك

اهلا اهلا بألاء باشا منوراني و الله

1-اوصف احساسك لما دخلت العمليات بالظبط

احساسي اول لما دخلت قوضة العمليات سلمت امري لله و قولت ان انا مش خارج خالص و كنت خايف مووت كمان وبالذات لما شوفت المناظر الي كانت معايا جوة ههههههه

2-انت فعلا بتفطر بجد

لا طبعا و بعدين مين الي قالك كدة دي امنية بتكدب ههههههههههههههه
3-لو تحب تتجوز ممثله هتختار مين
هختار عبلة كامل هههههههههههههههههههه

4-سبب اخر خناقه بينك وبين باباك

بسبب المصاريف

5-سوالين ماجاوبتش عليهم قبل كده
ميزه وعيب فى ا خالد

ميزة :- طيبة قوي و جدعة جدا
عيب :- بتسمع الي هية عايزاهو بتطنش الي هية مش عايزاه

اغنية لما بتسمعها بتحس انها بتعبر عنك

اغنية صعبان علية يا غالي بتاعت عمرو دياب



مستني بقيت الأسئلة يا الاء

حمووووووووووووووووو ك فى كنكة تانى تانى تانى عطوفة جالك تانى
بخ يا سعيد ولا متبخش عادى بقا دا انت حبايبك كتير وكلهم نازلين سلخ فيك اعمالا بمبدأ ال........ لما يقع
ما علينا انا جيتلك اهوة هسألك اهوة سؤال وجاوبنى علية بس هو مش واحد احننا هانسرق من اولها خد دى
*عمك رجب لما طلع من العمليات قال لعيال اية؟
*حاجة عملتها وخايف امنية تعرفها؟
*لو انت وامنية ومروة ف مركب والمركب بتغرق هاتنقذ مين مع العلم ان الاتنين مش بيعوموا والاتنين على بعد واحد منك؟ جاوب يا حلو
*لومروة قالتلك اخطبلى واحد من اصحابك هاترشحلها مين ؟ ولية؟
*مش فاكر الخامس ما عالينا زمانك بتقول يارتنى ما كنت دخلتة المنتدى
يانى يانى يانى مش هعمل كدة تانى اموووووووووووووة بحبك

زرونى كل ساعه مرة حرام تنفضولى بالمرة
ضاقت الدنيا بعد غيبة الاحباب وفراق الاصحاب فلما الحياة اذا؟

عاطف وعلى اساس اننا هقوله اخطبلى هههههههههههههههههههههههههههههههه

شكرا اوى انت حسستينى انى بيرا حرام عليك

العرسان كتير بس النفس يبنى ههههههههههههههههههههههههه

الله يجزيك

قرون الاستشعار بتقولى انك بتفطر مش عيب ما علينا
1-هوة سوال عبيط بس هساله انت حاسس ان انا محتاجه اعقل شويه يعنى بتحس ان انا مجنونه فى تصرفاتى

لا مش مجنونة يا ماما انتي مستشفي بحالها بس انتي مش محتاجة تعقلي ولا حاجة انتي كدة كويسه جدا جدا احسن لو عقلتي ممكن تودينا في دايهة كلنا هههههههههههههههه

2-حاسس ان محمد هشام صادق فى كلامه بجد والا محمد هشام بيقولى الكلام ده عشان مزعلش

لا المرادي محمد صادق في كل كلمة بيقولها الحمد لله

3-اكبر مقلب اتعمل فيك

يوم مكنت في الثانوي العام كان مدرس الكيميا بيقولنا هاتو رقم الجلوس و انا هجيبلكو النتيجة قبلها بشوية قولنا ماشي و سبتلة رقم الجلوس جينا قبل ظهور النتيجة بيومين كدة لقيت واحد بيتصل بية و انا مش موجود في البيت مروة كلمتة قالتلة مين حضرتك قالها انا مدرس الكيميا بتاع محمد قالتلة ثواني و نادتني من عند وليد من المحل و بعدين جيت كلمتة قالي محمد معايا قولتلة اه قالي انت شلت الكيميا يا محمد و قام قافل السكةو في وشي هههههههههههههههه

و بعدين عملنا مندبةهنا في اللبيت ويوم النتيجة اكتشف ان الي عامل المقلب فيا الأستاذ محمود عبد النبي و واحد صاحبنا كمان بس معرفتش الا يوم النتيجة قبل ظهورها بربع ساعة كدة

4-قول مين بقى اللى شرب الشوربه ههههههههههههههههههههههههه

واد صاحبنا من الجامعة اسمة احمد السيد هههههههههههههههههههههه

5-حاسس انك راضى عن نفسك

الحمد لله انا راضي عن نفسي قوي لأني مش بعمل حاجة غلط في حق حد

حبيبي يا تيفا يا عم انت تسأل الي انت عايزة و انا طبعا هجاوب بكل وضوح ههههههههههههههههههههه

*عمك رجب لما طلع من العمليات قال لعيال اية؟
العيال اصحابي بيقلولة انت عملت اية في الواد خت منة اية قالهم غيرتلة العفشة كلها ههههههههههههههههههههههههههههههه

*حاجة عملتها وخايف امنية تعرفها؟

مفيش حاجة و الحمد لله

*لو انت وامنية ومروة ف مركب والمركب بتغرق هاتنقذ مين مع العلم ان الاتنين مش بيعوموا والاتنين على بعد واحد منك؟ جاوب يا حلو

اكيد يعني مروة اختي لأن الي ملهوش خير في اختة ملهوش خير في اي حد و لا اية يا تيفا ديبلوماسي انا صح هههههههههههههههههههههه

*لومروة قالتلك اخطبلى واحد من اصحابك هاترشحلها مين ؟ ولية؟

اكيد يعني من غير تفكير حبيبي و ابن حتتي طبعا وليد لأن واد جدع و شهم و طيوب قوي هههههههههههههههههههههههه

وحيات ربنا يا محمد انت ضغط وسكر وان شاء الله هتجبلى القلب قريب

ماشى يا محمد مش لاقى غير وليدو وتقولى عليه

انا والله لو اعنس وليد لالالالالالالالالالا حرام بجد

دا طيب اوى وجدع جدا ياعم شكلك بتكلم عل حد تانى مش وليد الللى انا اعرفه

محمد حبيبى انا معاك فى رايك هو فعلا
وليد انسب عريس لمروة اولا ابن حتتك
عارفينة وعارفكم ومش هليجى فى يوم ويقولك انت ضحكت عليا
وجوزتنى واحدة مجنونة

مرمر ممكن الواحدة فى يوم من الايام تقول لاخوها اخطبلى انت ودا مش عيب
الا اذا كنتى شايفة محمد ماينفعش انه يعمل كدة دى حاجة ترجعلك بقا
انا بهدى النفوس بس
لا يالمضة انتى مش بايرة ولا حاجة بس كل وردة وليها معاد قطفها
اما بالنسبة لكتر العرسان المثل بيقول ايييييييية
من كتر خطابها بارت
متخافيش مش هاتبورى عريسك موجود
مبروك عليكى وليد الخفة اة ياساتر
اة يا مرمر صعبانة عليا ها يطلع عينك
ــــــــــــــــــــ لولولولولولولولولولى ــــــــــــــــ

النهاردة فرحى يا جدعان عاوز مرمر تبقا تمام
ماتعزليش منى انتى عارفة انى بعزك

يامن صورت ليا الدنيا كقصيدة شعر
وزرعت جراحك فى صدرى واخذت الصبر
ان كنت اعز عليك فخذ بيدى
فأنا مفتون من راسى حتى قدمى
محمد باشا كعب الغزال
للاسف رجعتلك تانى مع اسئلة محيرانى
شوية اسئلة خفيفه على الماشى لانى صايم


1- محمد انت كنت عامل عملية اية وفين بالظبط؟
2- انت اخترت وليد عريس لاختك مع انك مش بتطيقة هل انت شايف انة ممكن يكون زوج مناسب وانت تقدر تتعامل معاه؟
3-لو جالك احمد ع العزيز-- محمود ع النبى--او اى حد من شلة الجامعه يخطبوا اختك تختار مين فيهم ؟ ولية ؟
4- لو عرفت ان امنية بتحب واحد تانى ومش عاوزة تقولك علشان مش تجرحك هتعمل اية ؟
5-لو اية التزمت دينيا واخلاقيا وقالتلك يامحمد ساعدنى وعاوزاك جنبى وماتسبنيش
م الاخر قعدت تتنحنح وتلح عليك هاتعمل اية يا منيل؟
هاتضحى بحبك القديم ولا الجديد



ـــــــــــــــــــــــــــــــ فات المعاد وبقينا بعاد ــــــــــــــــــ
الشبوكشى بيقلوكوا ان عشت هازلكوا وان مت الله يسهللكوا

بص يا عاطف هى كلمه وانا صايمه

حسبى الله ونعم الوكيل

وانا بقا عايزه ابورررر بس الواد دا لا

ولا الرجاله خلصت من البلد

معتش غير دا

وغير كده ودا الاهم وليد انا بعتبره زى محمد بظبط

ههههههههههههههههههههههههههههههههههههه


ربنا يوفقك يا محمد

وتختار عريس اختك


انا عارف انك حيران

بس معلش استحمل شويه

اخويا وحبيبى تايجر

1/يوم ماانا فضحنك فى حكايه الثانوى؟

2/ايه فى رائيك فى عاطف والسواقه بتاعته ؟

3/كانت احلى حاجه كنت بتحبها فى الناس دى ايه ركب ومى ؟

4/حالتك ازاى يوم ما بابا رفض البت ايه ؟

5/ايه الاغنيه اللى كنت مشغالها يوم ما القدر فرق بينك وبين ايه ؟

ههههههههههههههههههههه

اهلا اهلا يا عاطف بية اية الأسئلة التحفة دي
بس عادي انا هجاوب و بكل تلقائية و صراحة هههههههههههههههه

1- محمد انت كنت عامل عملية اية وفين بالظبط؟

انا كنت عامل دوالي في رجلي هههههههههههههههههههههههه

2- انت اخترت وليد عريس لاختك مع انك مش بتطيقة هل انت شايف انة ممكن يكون زوج مناسب وانت تقدر تتعامل معاه؟

اكيد هتعامل معاه و طبعا بالجزمة

3-لو جالك احمد ع العزيز-- محمود ع النبى--او اى حد من شلة الجامعه يخطبوا اختك تختار مين فيهم ؟ ولية ؟

هختار كريم ---- لأن دة الإنسان الوحيد الي بحبة لدرجة انةلو طلب اية هعملهالة

4- لو عرفت ان امنية بتحب واحد تانى ومش عاوزة تقولك علشان مش تجرحك هتعمل اية ؟

اتمني انها تجرحني و متخبيش عليا و تخدعني لكن لو عرفت ساعتها من برة اكيد هعاتبها و كدة و اشوف لو هية مرتاحة معاه اكيد انا هبقي سعيد ان هية الي اختارت شريك حياتها .....

5-لو اية التزمت دينيا واخلاقيا وقالتلك يامحمد ساعدنى وعاوزاك جنبى وماتسبنيش
م الاخر قعدت تتنحنح وتلح عليك هاتعمل اية يا منيل؟

عمري مرجعلها حتي لو جت باست رجلي




مستني اسئلتك النار المرة الجاية يا فالح